Thursday, December 18, 2008

Welcome to Kaisih(Kaisie)


Phura khaw bul,a in zawm a ni mai ah hian Kaisih khua a awm a.Missionary Zosapthara bo na khua a ni.A bo avangin hla pawh a phuah nghe nghe kha.Kaisih khuaah hian Zosapthara Lung pawh kumin kum tir khan kohhran ho in an phun ta in ka hria.An dangpuithu a tui khawp mai.Chhun chaw ka ei naah dangpui thu a hlangin an lo rawt a,hmarcha thak tawk nen,dangpuithu chauh chu hmehin ka pir tawn tawn a,ka puar rap thlak khawp mai.

Ka road!!!!


Tuipang L khua a VC te chuan an khaw kawng hi PMGSY atanga an laih,a kual lutuk avanga sawrkar scheme atanga short cut a kan laih chu V.Lalengmawia Road an ti mauh mai!!!.Lolz.Nakin zelah te ka la en duh takin tiin a thla kan la a nih hi.Tuipang L khua hi chu khaw dang ang lo takin Mara mi an tam lo a,Lai ho khua a ni.Fiamthu in an sawi thin a,Tuipang khua leh Tuipang L football an khelh chuan khaw lian zawk Tuipang in an ngam ngai lo a,Tuipang L khaw te zawk hian ball kha chu pet suh a ngal kha pet rawh tiin an au lauh lauh thin e an ti.Tak tak ni maw.

Tuipang khua


Chhim lam ah chuan khaw lian zinga khaw tawpna ber a ni ang.NH 54 hi Tuipangah a tawp thin a.Metal road chin hi dawr kawt ah a tawp tawp mai thin a,chu laiah chuan BRTF in The End tih an tar thin an ti.Mahse tunah chuan in tar ka hmu lem lo.Metal road tawp ah hian in a awm a,dawr eng eng emaw a awm bawk.Tuipang hi VC pathum Tuipang Dairy Veng,Tuipang Venglai leh Tuipang Bazxar ah te then a ni.A khua hi a zo avangin thlasik ah chuan a vawt vet vet hle a.Nipuiah pawh a lum lutuk lo.

Tuipang atang hian NH 54 hi extend a ni a,tun ah hian chhim tawp khaw pakhat Lungpuk (Lopu) khaw thleng a kal tur BRTF in an lai mek a,Khopai thleng chu an lai zo tawh a ni awm e.Lungpuk hi a nuam hle a,khaw lum lo khaw vawt bawk si lo a ni.Phai ti dawn ila phai ni lo,tlang ti dawn ila tlang ni si lo a ni.A boruak hian thlai a ngeih em em a ni.Lungpuk a in lo hmun nei chu tun atanga kum 25 hnu ah chuan an la vannei ngawt ang.

Tuipang ah bawk lut leh ta ila,Tuipang hi kum 2007 khan kum 100 a tling ve tawh a.Khaw te tak te ni si in kohhran pawh a kim ve biai.Kei chu ECM Salem Church ah ka in khawm thin.

Tuidang khua:Lawngtlai District


Tuidang khua hi Lawngtlai District a awm a ni.Chhimtuipui Lui kama awm niin a ral leh lam Mara District lamah hian Lungdar (Lodaw) khua a awm thung a.Lodaw khua hi motor kawng la luh lohna a nih avangin Lawngban(Pala) khua atangin ke in vawi khat chu ka kal tawh nghe nghe.Km 16 lai niin ka hria.A hla hle.Lungdar khua ka thleng chu ka ke a that loh avangin kal pawh ka kal thei mang tawh lo.Lodaw atangin chhim tawp Bymari ah speed boat in kan chhuk a,a hla vang vang hle.

Tuidang hi tun laia lar tak Kaladan Multi Modal Transport Project an ti em ni kha...an la tangkai puiin an la chhawr viau in a rinawm.Chutiang bawkin Mara District lama Lungdar(Lodaw) khua pawhin an chhawr ve thei mai thei.

Phura khua


Phura khua:Vahai kawng atanga lak
Phura khua hi chhim tawp a awm a ni a.Phura atang hian dil hmingthang tak Palak Dil pawh a hla tawh lo a,km 1 vel a ni awm e.Phura hi a lum hle a,a zawl vek avangin furah a buai thlak thin hle.Khaw lai ah hian Vathlo Lui a luang bawk a,a kuang a sawn ngun hle.Phura hi chhim ramri bula awm a nih vangin a lun ve hle a.Phura atang hian Tongkolong khua te,chhim tawp Khaikhy leh Bymari te a kal theih.Chhungkaw 220 vel an cheng mek.Phura Police OC kha Vairengte khaw chhuak niin Hmartawna ni ta in ka hria.Chhim tawp ah Hmartawna an dah a nih chu.

Wednesday, December 3, 2008

9-Tawi A/C ah tluang taka inthlanna neih a ni.

Mizoram Legislative Assembly inthlanna chu 9 Tawi A/C ah tluang taka zawh fel a ni.Tawi A/C huam chhunga polling station a theih ang ang ka tlawh kual a.Hengah hian vote pawh tluang taka thlak zel a ni.Tlai lam dar 4:00 chuan khaw tam tak hian vote thlak zo tawh hlawmin polling party te pawh an in ti fel hlawm.Heti lai hian Keifang Polling Station I ah erawh chuan tlai lam dar li a rik tawh hnu pawhin Presiding Officer hnathawk thei lo in zurui ten an ti buai a.Dar 4 hnu deuhah ka va phei chu an lo au buai nuaih nuaih mai a.A mak hle.Police force te kan koh hnu ah tlemin boruak a tha a,zan dar 7:16 ah polling chu kan zo thei ta hram a ni.

Mak ka tih em em chu tlangval zurui te chu tlai lam a lo nih tawh chuan rui mahse ka hrethiam lutuk a.Mahse enga tinge nu tling pui pui,nu nau bu chip leh nau sen thla khat lek lek pawm leh nula tlawntlai tha deuh deuh khan tlai lam an nghah kher khan ka ngaihtuahna a ti kal thui hle.Mipui hian ka hlutna hi ti chhe zo in ther hlo ho mai maiah hian kan lo in ham tang vek tawh emaw ni le ka ti hial.

Tin,polling party te pawh an muang ve deuh a ni mai thei bawk a.DEmna zawng zawng chu mipuiin an phur bik lo e chu ka ti tho bawk a.

Monday, November 24, 2008

Ramhuai in a hruai bo

Mizo-te chauh hi Ramhuai, thlahrang leh thlarau lam buaipui leh tuipui hnam kan ni bik lo tawp mai. Hetiang lam ziahna lehkhabu hi Sap ho leh hnam dangte hian thahnem fe chhiar tur an neiin, an lo ziak teuh mai a. Lehkhabu chang a ni lo, Zone Reality channel leh Discovery channel en thin chuan kan hre theuh awm e. Hmanlaia mitthi tawhte thlarau inlar dan chanchin mak tak tak an sawina leh an tarlanna an tichhuak thin.

Kristiannain kan ram a rawn luah tak chinah chuan Thlarau leh Ramhuai hi kan awih lovin, kan ngaihsak ta lo hle. Chanchin Thain kan ramah ramhuai a um bo ta tih pawh hi a dik pawh a ni fa hmiang.

Amaherawhchu, hetianga Kristianna kan rama a rawn luh hnu pawh hian, Up ate leh hmanlai mi deuh chuan Ramhuai leh thlarau lam hi chu a awm ngei a ni tiin an la tang tlat. MUP pawhin Ramhuai bu tih pawh an chhuah tawh kha. A taka tawng lo tan chuan Ramhuai, thlarau leh thlahrang tih ang te hi chu thil awihawm lo tak a ni. Amaherawhchu, hetiang lam; a tak ngeia tawng leh hmu tam tak sawi tur an awm a. Chung zinga mi thenkhat thusawi chu I han ngaithla teh ang.


Pu Chullova, Tuipang khua chu kum 2003 inthlan khan duty tura a kal chu mak tak main Ramhuaiin a hruai bo va. Amah Pu Chullova ngeiin hetiang hian thil tawn mak tak chu a sawi.

Kum 2003 Election khan Duty turin Tuidang(Chhimtuipui Lui a Lawngtlai District lam a khaw pakhat) lamah kal tur ka ni a. Chulai hmuna duty tura motor khalha ka kal lai chuan; Nula leh Tlangval hmeltha tak mai hi tawkin, anni chuan min lo tidingin min lo bia a. “Kan hnenah rawn kal la, kan hnenah rawn thawk t ache; Secretary tur kan mamawh a, hlawh pawh tuna I hlawh aia tam kan pe ang che” an ti a. Mahse, kei chuan Election Duty tura kal ka nih thu leh ka hmanloh thuin ka chhang a, ka hnial tlat a. Anni pahnih chuan, “Kan thu I hnial a, I la chak lo ngawt ang” tiin min vau zui a.

Hetia an hnena kal tura min thlem tukah chuan, ZERO thlang, Kawlchaw leh Zero inkar ka thlen chuan; ka buai ru ta deuh tlat mai a. Keimah leh keimah chu ka intheihngilh ni ta berin ka hria. Ka inhriat dan chuan; Nula leh Tlangval min thlemtute kha ka motor- ah chuan an rawn chuang ve in ka hria a. Ka motor pawh chu ka khalh leh khalh loh pawh ka hre tawh lo. Ka mumal tawh vak loh avangin ka motor chu a tlangval zawk chuan a khalh niin ka hre ber a,. Chutiang deuh ruai chuan ka duty-na tur Tuidang chu zanah chuan ka thleng ve ni ngei tur a ni. Hemi hnu hi chuan chiangkuangin engmah ka hre tawh lo. Ka hriat dan chu mumang ang deuh hi ni main ka hria.
Tuidang kan thlen tuk hian; thingpui dawr kawtah meizial-te pawh ka zu ni ngei tur a ni; miin an sawi leh dan chuan. Mahse, tah hian thil mak tak chu, meizial zu a, ka ding lai min hmutute khan ka kalna chin leh ka awmna chin an hre ta tlat lo mai kha a ni. Hemihnu hian nula leh tlangvalte khan min hruai tawh lovin; Palian pui, hmultherthur hian min hruai tawh a, a kutah min thuttir a, ramhnuai ngaw vela kan kal pahin min thlawhpui mai niin ka hria.

He palian pui hian ka bo atanga ni thum niah chuan Chhimtuipui lui tawp leh Saiha District daih, Burma ramri lamah chuan min lo hruai thleng tep tawh hi a ni a. Hetah hian tlem chuan ka harh deuhhlek tawh a. Tiauphoah chuan ka mu a. Chutianga ka awm hnu pawh chuan kal vak ngaihna ka hre chuang lova, pan tur lam pawh ka hre hek lo. Luipui kamah chuan ka vak ka vak ringawt mai a. Ka ke hnuai lah chu engnge a chhan pawh hriat lohvin chemte a vik ang mai hian a na em em mai lehnghal a.

Chiang manglo leh vai deuh ruai ka la nih avangin, ka kalna chin pawh hre mumal lo chuan; kham kar leh lengkir velah ka vak ka vak in ka inhria a. Ruahtui tam lai a nih avangin; ruah pawh a sur duh lai a ni a. Ruah a lo sur chuan palian pui kha ka bulah lo awmin; a taksa lian pui chuan min rawn hliah vek a. Puk chhunga awm ang main, ka taksa chu a hul leh phiang thin.

Hetianga ka awmna chin pawh hre lova ka vah ka vah lai hian; vanneihthlak takin pa pahnih ramvak hi ka tawk hlauh mai a. Anni hnenah chuan, ka kal duhna Kawlchaw chu kan awmna atang chuan ni riat lai kal anih thute min hrilh a. Ka awmna hmun atanga khaw hnai ber chu Lomasu khua a nih thu min hrilh a. Anni bulah chuan khuaa min hruai tur chuan ka ngen ta ringawt mai a. Lomasu hi mara District a khaw tawpna ber, Chhimtuipui kama awm a ni.

Anni chuan khuaah chuan min hruaiin, chaw-te min pe a. Chumi hnu chuan Bymari-ah min hruai chho leh a. Tah chuan MTP (Mara Thyutlia Py- Mara Thalai Pawl) hovin min riahpui a. Zanah chuan min hruaitu pa lian bawk kha a lo lang leh a, min rawn hruai a tum leh a. Mahse, hetih hunlai hian ka hriatnate ka neih let leh hret hret tawh avangin hlauhna chang ka hre tawh a. Keichu au chhuakin, MTP member ho mu lai chu rawn tho chhuakin min rawn thlamuan a. Chumi zan chuan min veng tlaivar ta thak a.

A tukah chuan Tongkolong-ah kan chho leh a. Hatah hian Tongkolong MTP ten min rawn hruai leh a. Tongkolong kan pelh hnu chuan kawngkawiah lo lang lehin; min rawn hruai leh a tum a. Pa liana chuan, “Engatinge ka thu lova I kal daih”, min rawn ti a. Keichuan ho ka duh thu leh, a awmna hmun chu hrehawm ka tih thuin ka chhang a. Ka thiante, MTP-te chu ka hrilh a. Anni chuan engmah an hmuh ve loh avang chuan min thlamuan a, min kuah tlat a.

Palak Dil peng kan thlen chuan ka ke chu a nat tawh em avangin ka kal thei tawh lova. Phura thleng a zawnin min zawn ta a.Phura atang chuan ka pa ten motor-in min rawn lama. Kawlchaw kan thlen dawn tepin kawngkawiah chuan pa liana bawk chu a rawn lang leh a. Ka pa hnenah chuan ka hrilh a, “Ka pa saw min rawn lak leh a tum a nia”, ka ti a. Ka pa hi kohhran upa a ni a. Ani chuan hlau lo turin min ti a. Tawngtaina hun a hman hnuin kan kal leh a.

Kawlchaw-ah chuan khaw mipuiten min lo hmuakin, chaw ei turte min lo buatsaih sak a. Mahse, hetah hian chaw pawh ka ei thei tawh mang lova. Kawlchaw atang chuan kan khua, Tuipang chu kan lut ta a.

Kan khua, Tuipang kan thlen hian ka ke chu a nat em avangin mahniin zunram pawh ka thiar thei tawh lova. Ka ke chu a na em em ringawt mai a ni. Vanneihthlak takin; Pathian-in kawng engkim min lo ruat sak a. Tuna DDK a an hotupa Pu C. Lalrosanga’n Crusade a lo neih lai tak a lo ni a. Hrehawm ka tih em avang chuan, “Pu C. Lalrosanga hnenah min zawn chho ula, amahin min tawngtai se, he sual; Ramhuaiin min tih buaina hi min hneh sak thei em em ang”, ka ti a. Tichuan, ahnenah chuan min zawn chho ta a. Tuipang, T. Salem kohhran chokedar inchhung, Centenary Hall-ah min hruai lut ve ta a. Pu Rosanga te chuan an chhungkua chuan min tawngtai pui a. “Lal Isua Krista hmingin huai takin kal rawh”, min ti a. Tichuan, Lalpa hmingin hnehna kan puang a. Tichuan, Pu C. Lalrosanga chuan hriakthih rawngbawlnate min neih sak a. Chumi zan chuan inkhawm turin ka kal thei nghal a ni.

He lo pawh hi Theiva khuaa Pu Beirakhu leh a nau hmeichhe naupang chu an naupan laiin ramhuaiin a hruai bo tawh bawk.Ramhuai hi a pi anga rawn in larin a hruai bo niin a sawi a.Khua in an zawn beidawn hnu kum fe ah ram vak pakhatin mipa naupang tui thal tur hi a hmu a,mipa naupang chu a tlan chhia a,ramvakpa chuan hetiang ramhnuai leh nghal a naupang awm ngawt chu tiin a um a,a man ta a.Khuaah a hawn pui chuan mipa naupang bo kha a ni a,a nau hmeichhia erawh chu tun thlengin a la bo a ni.Amah Beirakhu hi hmanni loawk pawhin kan in bia a.A chanchin hi chanchinbu ah chhuaha ka dil a,mahse thil tam tak ka hre tawh si lo tiin min chhang.Tunah nupui fanau neiin Theiva khua,Saiha District ah a awm mek.

Saturday, November 22, 2008

VC te mawhphurhna

Kan thupui ah lut nghal tawp ta ila. VC te pawimawhna te, an mawhphurhna te hi tuna VC te hian kan hlen zo em tih te, VC kan han ni ta a, VC te min kai hruaitu tur DAN a awm a, chungte chu a awm tih kan hre reng em? Anih leh vawiin a VC lo kal khawmte hian The Lushai District (Village Councils) Act 1953 kan nei tih kan hre reng em?. He dan hi tun thlenga VC te min la enkawltu leh kawng kawh hmuhtu a ni.

Buai lai chuan: VC te kha buai lai chuan an pawimawh hle. Tu boh leh do lung inkar ah mahni khua leh tui chhan nan an nun an zuar kan ti lo thei lo ang. VC te inpekna avang leh huaisenna avanga India sipaiin an khaw hal tur an hal loh phah te an tam a ni. VC te’n khang hunlai khan an mawhphurhna an hre chiang a, an tih tur an hlen a, fak tlak leh chawimawi tlak an ni. Sipai in an pet a, an sawisa a, chuti chung pawhin an zam ngai hauh lo.

Tunlai chuan:Ram pawhin hma a sawn zel a. Buai erawh chu a la awm reng a, kum 1953 ah VC te enkawlna leh kaihhruaina chungchang DAN Sawrkar in a lo siam a, chu chu The Lushai District (Village Councils) Act 1953 tih a ni. Tichuan he VC te enkawlna DAN thuhmahruai chu VC te hian anmahni khawchhung theuh ah dan leh thupek ken kawh te, khaw chhunga buaina chinfel te leh mipui te an lo hriselna turin faina leh thianghlimna kawng ah hma a la ang a ti. Hei hi a pawimawh. Nakinah kan la sawizui ang.

VC te mawhphurna-Duties and Function: The Lushai District (Village Councils) Act 1953chuan hetiang hian VC te tihtur leh mawhphurna a siam (Pawimawh ka tih zual te chauh tarlang ila)

1. Khaw chhung kawng tihfai leh vawnfai.
2. Faina leh thinaghlimna kawng a mahni VC area chhung theuh a hma lak leh khawtlanga mi hnawksak leh bengchheng siam te ven hna.
3. Tuikhur vawnfai leh hiah fai. Hei hian tui thianghlim in tur leh insukna tur tui ngaihtuahte a tel.
4. Natna hlauhawm laka khawchhung vawnfai leh ven.Entirnan, Bird Flu laka invenna tur a ran lakluh leh khap.
5. Naupiang leh mithi VC register a lo ziah luh.
6. State Sawrkar emaw Council Sawrkar atanga lehkha lo kal reng reng bawhzui.
7. Khaw mipui te hrisel na-faina leh thianghlimna kawng a hmalak.
8. Library leh a kaihnawih ang chi siam.
9. A tul chuan intihhlimna ang chi siam.

Tichuan he dan The Lushai District (Village Councils) Act 1953 chuan a chunga VC mawhphurhna keng kawh turin Sub-Committee emaw Committee hrang emaw a din theih a ti leh zel a ni.

DAN IN TIH TUR A TIH CHU KAN TI EM?

The Lushai District (Village Councils) Act 1953 in tih tur a min tuk leh pek chu kan ti meuh em? VC hna hi R.D. Department atanga NREGS emaw Food for Work emaw pawisa lak chhuah nan chauh kan hmang em?.LAD Department a TFC Grant lak chhuah nan chauh em ni kan VC te nihna hi kan hman? Nge kan VC nihna chu kan khawthenawm te nen a in tih buai ni khua a kan khaw tan chauh em ni kan hman.? Nge kan VC nihna chu Political Party a kan awmna tan chauh em ni kan hman? Heng zawhna te hi chu a VC ten mahni rilru theuh khan lo chhang ta mai ula a tha ang.

Dan in tih tur a tih zing ami khawchhung fawnfai leh tih thianghlim te, Village Sanitation chungchang te, mithi leh nau piang chungchang te hi kan tih tur a ni lo emaw kan ti fo mai. Sawrkar atangin BDO Office ah khaw pakhat a nau piang zat leh mihring zat an rawn zawt a, BDO Office chuan VC te kha kan agency ber a nih miau avangin VC te kan zawt lo thei lo. Mahse chhanna fumfe kan hmu ngai lo. Kan khaw Headmaster chu Register of Birth and Death a lawm tiin min chhang mai thei. Mahse engvangin nge VC te’n Village Population register kan neih loh. Vawiin atang chuan VC tin in Village Population nei ila, chhungkaw hming, an pian ni, thla leh kum nen vek dah i tum ang. Hei hi kan ti thei a ni.

Dan chuan VC te chu Sawrkar/mimal atanga lehkha lo kal apiang te a hun tak ah an chhang thin ang a ti. Mahse hei hi chu in ‘fail’ deuh vek,a hun taka lehkha kan duh hi khawii mah VC te hian min la pe lo. Kan nghak ziah che u a ni. Heng in report a tlai thin a vang hian sawrkar ah pawh kan hna a chak loh phah thin a, a tawp ah a tuartu chu nangni bawk in ni. Kan lehkha duh in theh luh tlai chuan in khaw tan a scheme lo kal tur kha a tlai ve zel tih hriat tel tur.

Dan bawkin Village Sanitation Committee hi VC ten a tul an tih chuan an din ang a ti.Hei hi tul ti rawh u. Tin, thuhmahruai ah pawh faina leh thianghlimna kawng ah hian VC ten mawh an phur a ni a ti. Chuvangin vawiin a lo kal khawm zinga khaw tam tak VCP leh a member te khan lo hria ula, khaw tamtak chu a bal a ni. Zep loh ah chuan a tawp in a thianghlim lo hle. Chuvangin tun atang chuan Village Sanitation Committee emaw Clean Mizoram Committee mahni khua ah theuh i din ang u. Hei hi kan hmasawnna tur pakhat a ni. I duh tawk rih ang.

PRESIDENT IN ENGE A TIH ANG:
VCP chuan –

(i) Sawrkar atanga lehkha lo kal reng reng a member leh secretary te hrilhin lehkha chhan ngai chi anih chuan an chhang vat ang.
(ii) DC/BDO/ leh Deptt dangte atanga lehkha lo kal reng reng, khapna thu emaw pawh nise rang takin a ti tur a ni.
(iii) Mipui hnena hriat tur tul te chu secretary leh a member te bak ah tlangau hmangin a hrilh hre vat thin tur. Entirnan, NREGS hna ang te.
(iv) VCP chuan nau piang leh mithi te, Village Population register te, Electoral Roll te leh tul dang te a lo record anga, a tul huna en theih a siam tur a ni. VCP a zinbo emaw chuan heng thil te hi Vice President hnenah emawh, a member pui dangte hnenah a hlan tur a ni.

A chunga sawi tak te khi VCP chauh ni lovin, secretary leh VC member dang te mawhphurna
a ni nghal a ni.

DEVELOPMENT CHUNGCHANG:

VC te hi development unit ni lo mahse, khawtlang development khawihtu ber a ni lo thei lo a. Chuvangin khawtlang mamawh leh sawrkar programme te in mil tak a a kal theih nan VC ten rilru kan siam thiam a pawimawh hle. Sawrkar ah rawtna (Proposal) kan siam reng reng in felfai tak leh dinhmun chiang taka tarlan thin tur a ni. Sawrkar programme thar te pawh zir chian a hriat belh zel a ngai. Development sum kan dawn pawh an in ang lo hle a. Thenkhat chu Central atanga ruahmanna lo kal, a hnua central mi leh sa ten a an endik leh thin te an ni. Hengah hian phuailuai tak a kan thawh chuan kan ram hmingthatna tur a ni thei dawn lo a ni.


VC SUM VAWN DAN:

Development sum hi State sawrkar atanga kan dawn te an ni. Felfai tak a kan hmanna leh kan lak luh kha vawn tur a ni. Development lam sum reng reng hi VCP/Treasurer a vawng ang (VCP kha treasurer a ni nghal in ka hria). Heng sum hi endiktu tur a sawrkar in a ruat te enfih theih a vawn tur a ni.State sawrkar ten endik tul an tih hunah an endik tur a lo in peih tur a ni.

State sawrkar hnuaiah sum chi hnih Local Fund leh Development Fund vawng tu a hran pahin an awm a.Local Fund-heng lei chawina te, ran leh ui leh ar atanga chhiah lak te hi Local Fund an ni a. A vawngtu hran pa an awm. Development Fund erawh chu sawrkar atanga sum kan dawn hrim hrim (hnathwhna tur) ho kha a ni.

Development Fund hi Plan and Estimate fel tak nei an ni. A bik tur thil a hmuh a ni. Pawisa chu khawi atanga lo kal nge, eng zat nge, eng ni in nge an dawn tih chiang tak a ziah tur a ni. A sir dinglamah a hman ralna–hlawhfa man, hmanraw man, hman ral ni te leh a chuang (balance) te fel tak a ziah lan tur a ni. Tin, pawisa hman ralna reng reng cash memo/receipt/voucher a awm ngei ngei tur a ni. NREGS atangin tuikhur i siam a i cement leina te, iron rod leina te, thirzai leina te, thingpui leh chhang man te, balu leh brick emaw cubic lung man i leina cash memo i nei ngei ngei tur a ni. Kan fimkhur loh vangin VC buai ta enge emaw zat kan nei a, thiah (Dissolved) an ni nge nge thin.

VC LEH KHAWTLANG IN VAWNFAI CHUNGCHANG:

Kan dan hman lai The Lushai District (Village Councils) Act 1953 ah khawtlang in vawnfaina (Sanitation) chu VC mawhphurna a ni ang a, a tul anih chuan Sanitation Committee an din thei a ni a ti.

Khawtlang in vawnfai chungchang chu engtik a hmalak chi nge? Khawtlang mamawh a in an loh avangin khawtin tan mahni veng mamawh (Local Need Basis) a hmalak a dik ber ang. Amaherawh chu a hnuai a mi ang hian kal thei ta ila:

(i) Sanitation Committee din: VC member te hi tam lo te te kan ni a, chuvangin a hran pa a siam sanitation committee din a tha viau ang. Tunlaiin kan Chief Minister zahawm tak hmalakna in Clean Mizoram Committee din a ni tawh a, hei hi khaw tin leh veng tin ah din a ni hlawm. Chuvangin Sanitation Committee din emaw Clean Mizoram Committee din theuh din ila a tha ang.
(ii) Vantlang zirtir: Hei hi a pawimawh hle. Vantlang inkhawm koh a kan khaw tana faina leh thianghlimna kan mawmawh zia uar tak a mipui te hrilh hriat a tha. Aizawl veng hrang hrang chhungah ngei pawh khaw bal leh tawp tak tak, fai lo leh thianghlim lo ka hmu hnem em em a. Faina lama hma kan sawn chuan kan lo hrisel zawk ang a, kan hlim zawk bawk ang a, kan khua pawh mikhualin an tlawh chak phah dawn a ni.
(iii) Thu awih loh engtin nge kan hrem ang; thu awih lo an awm ngei dawn. Engtianga buai pui tur nge ni ang. Thu awih loh chu VC ten VC Court ah ko in a awm tawk an chawitir thei.

VC te hian VC court chu zahawm takin hawng se, chuta inlan chu kan hreh theuh ang, chuvang chuan kan khawtlang faina leh thianghlimna hi a hlawhtling thei ngei ang.

VC te hian VC court kan hawng ngam em?

VC te hi 3rd Class Magistrate an ni. Mahse VC court hawng ngam hi engzat nge kan neih. Aizawl Khatla VCP hlui Pi Remthangi chuan VC court hi a hawng fo thin. Thu awih lo te chu danin a phal chin angin a chawitir mai.VC te hian Rs.500 chawitir theihna power an nei kha.

VC court kan hawng ngam lo anih chuan engnge a chhan? VC te kha kan hnathawh ah kan dik bik lo tihna em ni? Mipui thlan Lal kan nih angin hna kan thawk lo em ni zawk? VC court hawn hi uar thar leh ila, khawtlang leh keini VC ngei te pawhin hmasawnna kan neih phah ang.

VC TE LEH NREGS:

VC te hna pui ber chu NREGS a ni ta, NREGS hi a hre lo fa kan awm ta lo.Amaherawh chu VC nih vangin NREGS hi kan khawih ngei ngei tur tihna a ni lo.MTP/YMA/MHIP/MCHP te hnenah pawh pek theih an ni. NREGS tawh dawnin VC te hian Work Order lak leh NREGS pawisa lakchhuah chauh hi em ni VC te mawhphurna?. A teuh lo mai .VC te tih tur pawimawh langsar deuh deuh i han bih chiang teh ang.

1. NREGS atan Scheme /Plan/Proposal siam: VC te hnenah NREGS atan a kan thawh tur terrace laih, kawng laih, tui kawng laih te rawn theh lut rawh u kan ti a. Tam tak chuan in ngai pawimawh lo. Entirnan, Pu S.Totha chuan terrace laih a duh. Hetiang a thehluh tur:Entirna

Terrace : Pu S.Totha
Hectare zat : 2 Ha
Khua atanga hlat zawng : 1 km

Tam tak chuan terrace laih tur hming chauh in theh lut thin. Tin, kawng laih tur ah pawh “ Construction of Internal Road” in ti mawl tawp thin a. Hei hi a dik lo. “Construction of Internal road between Pu J.Sakha and Lianto Sele House at Lotai”-2 km tih tur.

Scheme kan theh luh reng rengin a sei zawng, a zau zawng, a san zawng, khua atanga hlat zawng kan ziak tel ngei ngei tur a ni.

2. NREGS Muster Roll siam:NREGS Muster Roll (MR) hi VC ten Work Order an rawn lak chhuah laiin copy 2 zel pek tel an ni.Hei hi VC tam tak chuan ziak leh tawngka a kan hrilh chung pawh an la ngai pawimawh lo.MR hi hnathawk tute tak tak chauh hming sign tir ula.Nangmahni VC ten sign tawh suh kan ti thin.VCP tam zawk chuan NREGS pawisa lak dawnah BDO office kawtah hnathawktu te hming in sign chawp chuk chuk fo.Hetiang a tih ching VCP hming leh khua chu ka sawi tel lo mai ang.Hnathawh laia hming in sign tir thei lo anih chuan VC member emaw secretary emaw khan khua kha tlawh chhuakin hming sign tir mai tur a ni.Thil har a ni lo.Tun hnu ah hetianga kan thuawih lo an awm anih chuan NREGS hi khawih turin NGO emaw sawrkarah kan dil tawh ang.

3. NREGS leh inhlawhna pawisa sem:NREGS inhlawhna pawisa in sem rualin Job Card ah leh Payment Register ah hlawh in pek zat te,an inhlawh ni zat leh a ni leh thla in ziak lang ngei ngei tur ani.Khaw tamtak NREGS Reigister ka check sak ah chuan engmah ziah luh loh a tam em em a ni.VC te in fel loh chuan BDO kan fel lo a,pawisa lo kal leh tur thlengin kan tuar thin a ni.

NREGS CHHAWR TANGKAI TUM TUR:

NREGS atanga hna kan thawh theih hi chhawr tangkai thiam a ngai. VC tam tak chuann khawlai phiah fai te, a rual rem lo chul mam mai mai duh in awm. Hei hi India sawrkar duh dan kalh tlat a ni. NREGS chu mipuite hnena hna pek a nih rual in rotling hna an thawk tur a ni a ti. Terrace laih te hi in sawisel vak vak mai. Hna kan pek in thawh duh loh chuan i mawhphurna a ni tawh. Job Card nei zawng zawng hi hna pek tur a ni lo tih kan hriat nawn fo a tha. Hna thawk duh te chauh kha kan pe tur an ni.

Thawk ila, hlawh hmu bawk ila, hei hi kan hmasawnna tur a ni. Thawk mang hlei lo a pawisa hmuh tumna kan nei hi hmasawnna daltu a ni.

VC TE LEH RD DEPARTMENT:

Ka ram hian min mamawh a ni.Min ko a ni tih hi VC te hian kan ngaihtuah ngai em?.VC kan ni a,kan in hmu te lutuk em?.Ram vei pha chinah kan in ngai nge,keini aia hausa zawk leh milian zawk te tan chauh em ni ram vei hna hi kan pek?.Kan ram hmasawnna tur hian enge ka tih theih?.Heng zawng zawng hi vawiin a lo kal VC te hian kan rilru ah a tharin min vawn sak leh teh u.

Pawisa chauh kan ngaihtuah thin.Mi in PMGY leh IAY chu a duh em em mai.In sak nan te pawh a hmang a ni.Anih leh heng in sakna tur PMGY leh IAY dawngtu te hian an in an sak zawh hian IAY leh PMGY Sign Board tar tur kan pek kha kan in ah chuan kan tar em?.Pawisa chu kan duh huam huam.Mahse IAY leh PMGY signboard tar zak leh si rilru chapo na kha kan nei leh tlat thin.Hengah pawh hian VC te hian mahni khua a IAY hmu te kha signboard lo tar theuh turin tan lak pui leh ila a tha hle ang.

VC te hi an pawimawh a.An mawhphurhna pawh a sang.Mipui ten a an duh tak a an thlan democratically elected an ni.Mihring mihrinna ti changkang tura sawrkar in a bul thut a hmasawnna a neih theih nana a siam te an ni.VC hna hi missionary hna a ni tel a ni tih te hriat tel a tha awm e.Biakin pulpit tlanga thusawi leh ramthim a rawngbawl a chhuak kher kha Pathian rawngbawl kan ni lo.Thingtlanga kan mipui,harsa ve leh chhawngte tanpui leh tuamhlawm hna kha missionary hna tha tak a ni.Vawiin ni hian VC te hi kan pawimawh a ni tih hre thar leh ila kan ram hi khaw dang pa in min tih hmasawn sak dawn lo, keini, helai a cheng, helai a in leh lo nei te mawhphurna liau liau a ni. Chuvangin he ram hian ka tha leh zung, ka theihna a mamawh a, ka ram in min ko a ni kan ti tih theuh a hun tawh. Hmasawnna reng reng VC kut ah a awm telh telh dawn tih hi kan hriat bawk a tha awm e.

Veng hmasawn lo, veng hlam chhiah bik kan ni kan ti fo thin. Sawrkar chungah pawh an vui lek lek fo thin. Amaherawh a siam tha tur ber kan nih lai a dik loh tak a hna kan thawh khan sawrkar tan pawh in puih leh hi a chakawm lo a ni. Chuvangin, vawiin a VC lo kal khawm te hian “I RAM IN A KO CHE “tih hre thar leh ila,min kohna ang ngeiin nung bawk ila,hmasawnna rahbi chu kan her ngil ngei ngei ang.He ram hmasawnna chu kan kut ah a awm e.

(Speech of V.Lalengmawia,BDO Tuipang at the VC Conference,Saiha;It has been edited to suit the prevailing system adopted at Aizawl)

Electiuon Observer SS Shinde IAS Saitual ah.

Kan hma lawka in thlang tur kan nih avangin ka bial chhunga constituency pahnih 8-Chalfilh leh 9-Tawi a Election Observer chuan Saitual a rawn tlawh bawk.Amah hi SS Shinde niin kum 1991 ah IAS confer a ni a,tunah hian Commissioner,Transport Deptt hna chelh mek Maharashtra ah.Kum 10 nservice ka la nei a ti a,IAS an confer hma hle tih a hriat theih.Mizoramah lem MCS te hi Selection Grade(Director/JS) an kai hnu ah chiah an confer ang lawi bawk si a.

He observer hi vegetarian a ni a,mahse arsa ka duh a ti a,kan siamsak.Ek a ngah khop mai a.A hunawlah a e deuh rengin ka hria.A fel khop mai a.Biak nuam tak leh tih tam lo tak a ni.

Chalhfilh Constiteuncy chhungah hian sensitive polling station 4 leh hyper sensitive polling station 5 vel a awm a,heng khua te hi a tlawh hlawm a,a fel khop mai.Vai hi chuan an mawh phurhna an hre chiang khop in a hmuh theih.

Rahul Gandhi Saitual ah

Ni 21 Nov 2008 khan Rahul Gandhi chuan Saitual rawn tlawhin kumin a kan MLA inthlan lo awm tura INC candidate Pu R.Lalzirliana tan a rawn campaign sak.Rahul Gandhi chuan Saitual District hi thla kim lo a piang anih thu sawiin Congress an tlin chuan engkim anih dan tur ang in thil tih a ni ang a ti.

Rahul Gandhi lo thlen hma ni hian SPG a officer AIG pakhat chuan security arrangement rawn neiin thil an duh hautak hle mai a.Kei pawh a hming a civil administration a thu ber ta na na chuan enpui kha ka hna anih avangin ka buai hle.Party thil anih vangin a hmuahna leh public meetingah chuan ka tel lo.(Hmu chak hle mah ila)

Engemaw thil thut in ven nan leh tlan chhiat nan ka Quarters kha ruat a ni a.SPG ho chuan rehearsal te neiin ka quarters chu an rawn kal ngei a,i room chhung bikah kan awm tir ang khawi maw kan lo en an ti a,lehkhabu etcetc ka lo dah darh nuai mai chu an meng phawk nasa.,Khawngaihin i lo tih fai tir thei ang em an ti hem mai..ka nui nasa lutuk.Mahse Saitual leh a chheh vel chu hmun ralmuang ber a nih avangin hman a tul ta lo.

Thursday, November 13, 2008

Health Deptt Pawisa Rs.130 lakhs chiahpuam

Ni 13 Nov 2008 chhuaka The Zozam Times in a tarlan danin Mizoram sawrkar hnuaia Health Deptt chuan Rs.130 lakhs chu an cashier Pi Chawngrinsangin a lo chiahpuam ve ani tih department hotuten an sawi.

Mizoram sawrkarin department hrang hranga chiahpuam avanga buaina awm thei an rin avangin Finance Deptt chuan surprise checking department tinah a nei a.Minor Irrigation Deptt pawhin an chiahpuam tih thuthang chu dawt ani tih hmu chhuakin MI Deptt chu an fihlim a.Heti lai hian Health Deptt chuan Rs.130 lakhs lai chu an lo chiahjpuam ve thung.Health Deptt Director Pu N.Pallai chuan cashier Chawngrinsangi hi mi rinawm tak leh in vawng fel tak anih thu sawiin,hetia chiahpuam a a lo in hnamhnawih ve hi a thiante nawrna vang a ni ve bawk tiin a sawi.Tin,cashier hian a ma thu thu in pawisa hi enga ti nge a draw theih tih zawhna chu Dr.Palai chuan hna la zawh loh avanga pawisa la pek chhuah loh ho hi bankah dah mai an nia.cashier hian a duh duhin a mahin a draw thei mai a ni a ti.

Heti lai hian police ten chiahpuam chungchang la chhui zelin Muanpuii chungah hian tumah awm in a lang rih lo a.Pawisa hi a lo vei vir kual vel mai mai ani tih hmu chhuah a ni.Heiti lai hian Chiahpuam a hlawk ve Pu Vanlalmawia of MSVT chuan Rs.300000 a chiahpuam atanga a hlawkna Rs.50000 chu collector hnenah pe kir in,a capital ber a hmuh tawh avangin leh midang pawisa chan mai turte a khawngaih avanga pekir ani tih a sawi.

Tin,chhim lam Saiha ah pawh chiahpuam hi a lar ve hle a.Saiha atang pawhgin Rs.nuai za tam fe riral anga chhut a ni.Tin,ni 9 Nov 2008 zan khan Saiha a chiahpuam lama asn hotu pawh Aizawl a kal tih thu ka dawng.

MPS Written Result chhuak

MPSC chuan tun hnaia MPS Written Exam a buatsaih chu nimin tlai khan a ti chhuak.MPS hi post 10 a ruak a.Exam beitu zawng zawng hi mi 217 an ni.Interview nei turin mi 24 an tling...alphabetical order in...

1.B.Tlangdingliana
s/o B.Satzauva (L)

2.C.Lalengliana
s/o C.Zadailova

3.F.Lalchhuanawma
s/o F.Lianhmingthanga

4.Francis Lalnuntluanga Ralte
s/o Paul Ramfangzauva Ralte

5.HC Lalramthara
s/o Hrangngiara

6.H.Lalramsanga
s/o H.Rotunga

7.J.Lalmuankima
s/o Lalmawia

8.KL Vulmawia
s/o KL Laithanchhunga

9.Lalbiakdika
s/o Lalruma (L)

10.Lalbiakkila
s/o Aikhuma (L)

11.Lalchhuanthanga
s/o PJ Lalhuma

12.Lallawmzuala
s/o K.Thannghinga

13.Lalmuanpuia
s/o Lalzama

14.Lalrinawma
s/o Zochungnunga

15.Lalrinawma Sailo
s/o Ngurthanzuala Sailo

16.Lalrinpuia Varte
s/o H.Rohmingthanga

17.Lalthangpui Pulamte
s/o Lalkhawliem Pulamte

18.Lalvenhima
s/o Lalvuana

19.M.Misaela
s/o Jeff M.Sanga

20.Malsawmsanga
s/o HC Zamhaia

21.Saidingliana Sailo
s/o J.Lalmawia Sailo

22.VL Lura Hauzel
s/o Thuamzaliana

23.Vanlalnghenga
s/o Zawlthuama

24.Zarzoliana
s/o Rosailova

Thursday, November 6, 2008

Pi Lalhlimpuii MNF Ticketin Hrangturzo Bial ah ding dawn

Kan veng nu Pi Lalhlimpuii w/o Pu C.Remtluanga chu MNF ticket in Hrangturzo bial ah a ding dawn.Pi Lalhlimpuii hi hmeichhe fel tak niin kum 1988 khan MNF Ministry ah khan Mizo hmeichhe zinga Minister hmasa ber niin Aizawl North I bial atangin thlan tlin a ni a.Minister of State nihna pek a ni.

Pi Lalhlimpuii leh a pasal Pu C.Remtluanga hian fapa pahnih neiin a upa zawk Samuela chuan naupang te anih laiin kham ah (huana an picnic naah)a tlahlum a.Tunah hian fapa pakhat Isaac Malsawmtluanga neiin an chhungin Venghnuai ah an khawsa mek.Tin,an fapa Isaac pawh hi tlangvel fel tak niin Mizo zingah Master of Fine Arts degree nei hmasa ber a ni a.Lemziah a thiam hle.Rave Vox a an zaitupa ber a ni bawk.

Pi Lalhlimpuii chu tling ngei turin duhsakna ka hlan a.Mahse in ti lawk teh ang...a pasal hian politics hi khel zawk se,amah Pi Lalhlimpuii hi a tha lo e tihna ni lo in,a pasal Pu C.Remtluanga hi mitinte tana in pe zo leh fak phu a ni a.Mi rethei khawngaihtu leh lainattu a ni.A thlawn pawhin engmah sen a hreh ngai lo.Pu C.Remtluanga hi kei chuan Minister atan ka awt khawp mai.

Wednesday, November 5, 2008

Kan haw tur chu min thlir thup mai:Lungpuk khua

Sonia Gandhi at Tongkolong

Theiri khaw naupang

Palak Dil nalh tak a ni.

Chakhang a kan thlenna in ah




Silaia tintu khi CNA/CNF hel a ni mai lo maw.Nge Dimasa hel zawk?.

Phura Forest Rest House kawt:Lungpuk lam leh Tongkolong kal haw lam

Buh deng lai Mawhre

Kawng diakah chhia

Chheihlu hmeichhe naupang

Supha Naupang




Supha khua a ka kala naupang pakhat ka hmuh.Supha khua hi a nuam hle.

Chhimtuipui Lei

Nalh siau siau 2

Nalh siau siau 1

Rul lian Tuipang a thah

Tuesday, November 4, 2008

Nuam tihna chhan riau an neih hmel:Valngheta mit men danah khian




Chat thla mual mual kan awm ta in ka hria

Tuipang H/S Football Team:Kan hneh lo




Ka staff te nen an in khel a,Alfred a a nuih zat thlak hle.Faka kan JE in kan lamah mawi lutukin a pet goal bawk

Nuteii te in neih man hlan zan Tuipang

Michael M.Sailo Tuipangah

Spi Tuipangah

Ka nu leh pa

Phua to Miepu kawng-Ramngaw nuam tak dai ruih mai a ni.

Monday, November 3, 2008

Rul lian-Rul ngan a ni in ka hria

Lawm man ka sem lai with S.Lalmuanpuii

MTP General Confrence Zyhno ah ka thianpa Jim-a

Ka staff hlui te:An ngaihawm thin eee...Rohlupa mawlh mai khiii

Tuipang BDO Football Team

Phura to Kawlchaw Kawng

TOP 10 BILLIONAIRE HEIRESSES

TOP 10 BILLIONAIRE HEIRESSES

V.Lalengmawia

Khawvela fanu hausa chungchuangte chanchin tlem azawng i lo chhiar ve thung teh a.Africa khawmualpui a mi tam takin ei tur leh silh fen te an tlak chham laiin mi tam tak chuan nuam tawlin khawvel an hmang thung aHman sen loh sum leh pai neiin khawvel hi an awp mek a ni.Hmeichhia te pawh an bang bik chuang lo.Mi hausa tawntaw fanu te chanchin chu hei le...

Ivanka Trump

Kum 24 a upa Ivanka Trump hi billionaire Donald Trump fanu a ni a.University of Pennsylvania atangin Bachelor of Sciences with economics chu kum 2004 khan a pass a ni.Ivanka hian kum 16 anih atangin modelling te lo ti ve tawhin tunah hian Elite Model Management ah a awm ve mek.Kum 1997 khan Seventeen Cover Girl ah tangin hemi kum vek hian Miss Teen USA a host bawk.Tunah hian modelling ah tuiin Tommy Hilfiger tan te,Versace,Marc Bouwer,Thierry Mugler leh Ssaoon Jeans tan modelling a ti thin.Kum 2006 khan Stuff magazine cover girl a ni bawk.

Ivanka Trump hi reality show The Apprentice ah te langin tunah hian Real Estate Development ah Vice President hna a chelh mek.

Paris Hilton

Hilton Hotel chain neitupa Conrad Hilton tune Paris Hilton hi tunlai thalaite zingah hre lo kan awm lo vang.Engkimah hmingthangin,chanchin chhe thei zawng zawng a nei ti ila ka sawi sual awm lo ve.Paris Hilton hi hotel neitupa fanu in an hotel hi khawvela hotel lar ber zinga mi a ni a.Pawisa leh sum pawh ngah hle tura ngaih a ni.Paris Hilton hian an chhungkau atanga a rochun leh share a neih zawng zawng pawh a tam dawn teh lul nen ,a awm tha duh lo chung pawhin kum kal ta khan USD 7 million ngawt a thawk chhuak ve nia!.TV serial the Simple Life ah te pawh chang in,music album te pawh a siam ve lawp lawp tawh bawk.

Julia Louis Dreyfus

Kum 45 a upa Julia Louis Dreyfus hi Judith Bowles leh French mi hausa tawn taw Gerard Louis Dreyfus te fanu a ni a.Amah hi TV serial a kan hmuh fo thin Seinfeld ah khan ‘Elaine’ tih hming pu in a chang ve a ni.TV serial lamah a hlawhtling hle a,a TV serial Seinfeld chu Emmy Award leh Golden Globe Award dawng tawhin tuna a serial channa thar ber The New Adventure of Old Christine ah pawh a chang tha leh hle a.Emmy Award dawng chiah lo mahse nominees zingah a tel pha a ni.

Anna Anisimova

Kum 21 a upa Anna Anisimova hi Russian Paris Hilton an ti thin.Russia rama mi hausa tawn taw,metal lama sumdawng tu Vassily Anisimov a fanu a ni a.Anna Anisimova hian USD 350 million vel neia chhut a ni.Hamptons,USA a in luah man atan Anna hian USD 600,000 ngawt a seng a,heng bakah hian nipui chawlh a lo hman tawhna senso chu USD 950,000 zet a ni.

Amah hi University of New York ah a zir a.A zir chhung hian modelling lam pawh a tuipui viau.A pa sumdawnna metal lam ah pawh hian nasa takin a tangkai ve a,business deal ah te pawh a in rawlh nasa ve hle.

Georgina Bloomberg

Georgina Bloomberg hi kum 23 niin a pa hi tuna New York Mayor ni lai mek,khawvela politician hausa ber te zinga chhiar a ni.University of New York ah part time a zirin tunah hian Florida a an inah tui hleuh lam a buaipui mek.Amah hi tui hleuh thiam tak a ni a.Beijing Olympics ah pawh khan USA Equestrian team ah a tel ve nghe nghe.Sakawr chung chuan nuam ti mi niin North American Young Riders Championship ah vawi hnih lai Gold medal a lo dawng tawh a,World Cup Championship ah pawh participant naupang ber pawl a ni nghe nghe.

Amanda Hearst

Kum 22 mi Amanda Hearst pawh hi chanchinbu lama ei zawng chhungkaw hausa tak an ni a.Amah hi zirlai anih atanga modelling tuyi mi a ni.Amah hi Hearst Publishing Empire rochun tu tur a ni a,an hausakna hi USD 5 billion nia chhut a ni bawk.An chhungkua hi an hausa ve reng reng a,Forbes in khawvel mi hausa 500 a thlan chhuahah pawh an chhungkua atangin pali emaw tal hi chu an lang ngei ngei thin.

Lydia Hearst-Shaw

Lydia Hearst-Shaw hi Amanda Hearst cousin a ni a,kum 21 a upa a ni.Amah hi Ford fashion model ni lai a ni a.A cousin Amanda ang hian Hearst publishing house ah hian USD 5 biliion ro chun tur a nei a ni.Louis Vuitton leh Heatherette te tan a model thin.

Nicky Hilton

Kum 22 a upa Nicky Hilton hi Paris Hilton unau nu a ni a.Nicky hi naupang zawk a ni.Nicky Hilton pawh hian Hilton Hotel Chain ah hian ro chun tur sum leh pai tam tak a nei ve bawk.Amah hi a nuapan lai atang tawhin designing lam hi a tui hle a.Tunah hian ama hminga siam clothing line Chick by Nicky Hilton pawh a siam nghe nghe.Nicky Hilton hian a u Paris Hilton ai chuan business lam a ngaihtuah deuh niin a lang.Tun hnai mai khan Chicago leh Maimi ah Hotel changkang tak a hawng a,tui chungah a ni leh nghal!.

Nicky hian Australia rama thuam hnuai lar tak Antx Pantz chu a model sak thin a.Simple Life tih TV serial ah khan Nicky hi sawm hmasak zawk niin,a duh loh avangin Nicole Ritchie a chang ta a ni.

Aerin Lauder

Kum 36 a upa hi rimtui leh cosmetric lama lar tak Estee Lauder tunu a ni.A pa hming chu Ronald Lauder a ni.A pa hi Mizoram ah pawh lar em em mai Clinique shampoo te siam tupa neitu a ni bawk.

Aerin Lauder hi Senior Vice President niin kum 2004 khan company board ah a tel ve tan a.Tunah hian an sumdawnna lama pui turin fashion designer lar tak Tom Ford leh film star Gwyneth Paltrow te nen an thawk ho mek.

Dylan Lauren

Kum 31 a upa Dylan Lauren hi fashion designer lar em em mai Ralph Lauren fanu a ni.Amah hi a pa Ralph Lauren sumdawnna leh ro zawng zawng khawmtu tur a ni.

Dylan Lauren hi Duke University ah zir thin in Art History ah honours a zo a.Amah hi lehkha thiam thei tak a ni bawk.Art lamah a tui hle a.Candy chi hrang hrang hi a collect thin a,chung atang chuan engemaw thil mak tak tak a siam chhuak thin.

KHAWVELA DICTATOR TIH BAI AWM ZUAL TE

KHAWVELA DICTATOR TIH BAI AWM ZUAL TE

V.Lalengmawia

Dictator chu ram khat roreltu,ama thu thu a thuneihna pum hmawm leh ram mipuite chunga lal hrawt tak ho hi an ni a.Heng dictator ho hi mipuiin duh duh dan angin tih tlak hi a harsa hle ni tur a ni,an ram pawhin a tawrh phah nasa thin hle.Khawvelah hian dictator rothap pui pui kan hre teuh awm e.Uganda President Idi Amin a te pawh kha mi sual tawp khawk leh ro thap niin,engmah pawisak nei lo,mihring sa te hial pawh a ei tia sawi thin a ni.Tun tumah hian khawvela Human Rights pawl chi hrang hrang Human Rights Watch,Freedom House,Reporters Without Borders leh Amnesty INternational ten khawvel ram hruaitu te zinga mi sual a thlan khawm chanchin tlem kan ziak lang ang.

Omar al-Bashir President of Sudan

He Sudan President hian kum 2003 atang khan mi hring,civillian mi 180,000 lai that tawh a chhut a ni.Hemi bakah hian Darfur a buaina avangin mihring Maktaduai 2 lai chu chenna nei lo in an awm phah bawk.Tin,Southern Sudan hi Christian tamna leh Christian hel te awmna anih avangin nasa takin sawrkarna chelhtu Omar al-Bashir pawl Muslim sawrkar chuan nunau a sawisa thin.A sipai te khaw hrang hrangah tir kualin refugee camp te,mihring chenna in rap in te a hal tir thin.Heng avang hian Africaah tam a tlak nasat phah bawk.

Kim Jong-il President of N.Korea

Kim Jong-il hian rorelna hi a kutah a dah pum hlum thak a.A ram mipuiten duh dan leh ngaihdan a sawi phal sak a ni lo.President Bush pawhin a kaihhruai N.Korea hi ralthuam hlauhawm nuclear weapons siam tum anih avangin US Terror List ah leh Axis of Evil a tihah a lo telh tawh thin.A rorelna hnuaiah chanchinbu miten zalenna an nei lo a,sawrkarin a khuahkhirh tlat a,duh duh ziah phal a ni hek lo.Kim Jong-il rorelna hnuaiah mi 250,000 aia tam daih sawisak leh tan tir an ni a.A ram nasa taka a sawisak avangin ramdang sawrkar tanpuina pawh a lut tlem hle.Chuvangin riltam a thi tur naupang an tam hle.A thenawm ram S.Korea nen an in ngeih lo hle bawk a.S.Korea chu democracy sawrkar anih avangin mipui an hlim a.N.Korea mipa naupang kum 7 a upa chu a ei a chhiat avangin S.Korea a naupang kum 7 mi aiin inches 8 aiin a thang thei lo a,a cher pawh a cher zawk tih UN Food Programme chuan a sawi.

Japanese Professor pakhat chuan Kim Jong-il hi kum 2003 khan a thi tawh a.Mahse Communist sawrkar chuan thi lo ang a lan tir a tum avangin a lem in (dummy) ro a rel mek niin a sawi ve thung.

Than Shew of Burma

Kum 1992 atangin rorelna a chang a.A hnuaiah hian mipuiin zalenna an nei tam lo hle.Chanchinbu mi te nasa taka khuahkhirh an ni a.Kum 2005 November khan engmah sawi lawkna leh in rin lawkna pawh awm lovin Burma khawpui chu Rangoon atanga km 245 a hla Pyinmana ah a sawn thut mai a.Sawrkar hnathawk kal duh lote pawh ban ah a vau bawk.Than Shwe hnuaiah hian naupang sipaia tan luih tir a hluar hle a.Tih luih naah hnathawh tir a hluar hle bawk.Deomocracy chu rap betin mipui ten an duhtaka an thlan Aung San Suu Kyi pawh tun thlengin pawn chhuak thei lo a siam a ni.

Robert Mugabe President of Zimbabwe

Kum 1980 atangin Zimbabwe President nihna a chelh a.Tunah hian kum 82 a ni tawh bawk.Kum 2000 khan Land Reform atangin Zimbabwe President hian Mingo (White) hi huatna a siam a.An ram te chhuh sakin nasa takin mimngo te a nghaisa bawk.Tunah hian an ram a sawisak nasat em avangin thil man a to phah nasa em em a,a let za tam takin thil man a to a ni.Tunah hian US Dollar khat leh Zimbabwe Dollar maktaduai khat lai a in tluk tawh.Kum 2005 khan Mugabe chiuan mi 700,000 lai chu an huan leh in leh lo atanga hnawt chhuakin,an huan leh ram chu a hneh chhuh a,tam tak chu hlau in England ah an tlan chhia a ni.Heng avang hian khawthlang sawrkarin nasa taka demin economic a a tanpuina te a tih tawp phah bawk.Tunah chuan hman laia ram nuam leh hausa thin kha ram rethei ber pawlah Mugabe chuan a chhuah ta a ni.

Islam Karimov President of Uzbekistan

Kum 1990 atangin President nihna a chelh tan a.Amah dodaltu politician leh businessmen tam tak chu tan tirin,sawisak hlum te an ni thin a.A tam zawk chu kah hlum an ni thin.Amah dodaltute chu hreh miah lo in a sipaite a kahhlum tir hmiah hmiah zel a ni.Kum 2005 khan mi 10,000 lai chu pung khawmin an lungawi lohna lan tir an ni a.Heng mipuite hi Karimov chuan engmah sawi set set loin sipaite a kahhlum tir hmiah mai.Amah hian thil ti sual thei lo turin dan a siam hmiah bawk a,amah leh a chhungte chu eng dan mahin a phuar lo a ni.

Hu Jintao President of China

China chu economy ah an thang tiin khawvel chuan an hre thin.Amaherawh chu mihring maktaduai 150 lai chu rethei bakberh niin nikhatah US Dollar khat pawh an hlawh chhuak lo a ni.China chuan khawpui lian leh langsar lai a chei thur thur laiin an ram kil zawkte ngaihthahin retheihna in a tuam nasa hle.Hu Jintao rorelna hnuaiah hian political prisoner mi 300,000 chu tih luihna a chhawr turin ram pilrilah thawn darh an ni a.Internet leh telephone zawng zawng pawh sawrkarin a monitor vek zel.Press freedom a awm lo a,TV leh radio channel reng reng sawrkar ta vek a ni.Olympics 2008 a in buatsaihnaah pawhin Beijing a cheng mihring 400,000 vel chu tih luih naa an chenna in tih chhiat sak an ni.

King Abdullah of Saudi Arabia

Saudi Arabia ram chhungah reng reng phone call te hi sawrkarin a lo record vek a.Mobile phone pawh camera awm chi reng reng a khap hmiah bawk.Chanchinbu ah sawrkar leh lal chhungkaw sawiselna chi hrang hrang ziah phal a ni lo a.Hmeichhia ten an laichinte ni lo khawlaiah an kal pui phal a ni lo.

Saparmurat Niyazov President of Turkmenistan

Kum 1990 atanga tun thlengin rorelna a la chelh a.Car tape te,music te leh inneih naa music play leh lam te a ram chhungah a khap bur mai a.Sipai te sawrkar siam a duh avangin a ram a damdawi lam thiam mi 15000 lai chu ban in damdawi lam thiamna nei lo sipai te a dah daih bawk.Doctor ten thutiam an lak thin Hippocratic Oath chu lak phal loin ama hminga doctor ten thutiam an lak tawh tur thu a puang.

Toedora Obiang Nguema President of Equatorial Guinea

Kum 1979 atang daih tawh khan he ram rorelna hi a chelh tan a.Zirmi te chuan tih duhdahna leh in tih thaihna hihe ram nitin nun hi a ni an ti tawp mai a ni.Mimal zalenna a awm lo a,chanchinbu zawrh leh lehkhabu zawrh khap tlat a ni.Tuialhthei lamah a hausa hle a,mahse heng a ram hausakna zawng zawng hi he pa hian changin kum 1995 khan US Dollar 700 million zet chu a ma private bank account ah a dah lut tih thu dawn a nih laiin,a ram mipuite chu riltam a thi lek lekin an awm thung.

Muammar al-Qaddafi President of Lybia

Kum 1969 atang daih tawh khan Qaddafi hian Lybia ah hian rorel na a tan a.Amah hi khawthlang sawrkar te pawhin nasa takin an sawisel thin.PanAm thlawhna bomb tu te pawh kha Qaddafi hian a lo tanpui a ni.

Lybia ram ah hian tun hnaiah foreign company te hnathawh phalna pek ni mahse,a ram chhung tak takah chuan mimalin zalenna mumal an la nei lo hle a.A ram chhunga mitinte hi an in ringhlel kualin mi za zela 10 te hian mihring zawng zawng za zela 90 te hi an enthla reng tih US State Deoartment chuan a sawi.Lybia ramah hian collective punishment a hluar hle a,chhungkhata member pakhatin thil lo ti sual ta se,an chhungkua leh an laina hnai ten an tuar tlang vek thin.Qaddafi sawisel hi thih thleng hrem theih sualna niin ngaih a ni.

King Mswati III of Swaziland

Kum 1986 atangin Swaziland lal nihna a chelh tan a.Heti hun lai hian kum 18 chiah a la ni.Swazi mipui te a duhdan dan in awm tirin,retheihna khur puiah a luh pui a.A ram mi tam zawk te chu nikhatah US Dollar khat aia hniam a in hlawhte an ni.Heti chung hian a ni chuan nuam tawlin hmun hrang hrang a fang thin.A ram mipui za zel a 40 hian AIDS natna vei anga chhut an ni bawk.King Mswati III hian political party reng reng a khap a.Thil sual ti ve thei lo ah in ngaiin hremna engmah lal chungah hian lek theih a ni lo.

Aleksander Lukashenko President of Belarus

Europe khawmualpui a dictator awm chhun a ni awm e.Kum 1994 atangin President nihna a chelh tan a.Hemi hnu hian a President nihna remchanga a la in vawi tam tak Constitution siam that a ni a.A rorel dan hi a ro thap hle a.A hmelma te chu live television hmang te in a sawisak tir thin.Communist sawrkar in an chin em em thin ‘mutual surveillance’ te,mi in hek leh telephone ngaihthlak rukte a hluar he.Amah sawi sel chu thihna khawp hiala hrem theih a ni.

Fidel Castro President of Cuba

Kum 1959 atanga rorel tanin khawvel dictator te zinga rorelna chelh rei ber a ni ta.Freedom of speech a awm lo a.Chanchinbu te leh magazine te pawh sawrkarin a khap hmiah mai.Mobile phone pawh hun engemaw chen hman phal loh a nih hnu in tun hnai khan mobile phone leh computer chu hman phal a ni ve ta.Tunah hian Fidel Castro hi President ni tawh lo in a unaupa Raul chu President atan lakluh a ni tawh.

A chunga dictator kan han tarlan takte khi khawvela human rights group hrang hrang ten an tehna atanga a sual leh taw rawt pawl an ni a.Mi tam tak chuan George Bush pawh hi dictator sual ber a ni e an ti fo thin.An tihna chhan chu World Trade Centre tih chhiat anih vang leh Irag in weapons of mass destruction a siam avanga Afghanistan a Taliban leh Irag a run avanga pawisawi lo nunau tam tak an thih vang kha a ni awm e.Amaherawh chu President Bush chuan nu nau pawisawi lo te kha a target ni lo in,khami ram a rorelna chelhtute kha a target an ni zawk tih kha hriat tel a tha awm e.Indona ah chuan nu nau in tawrhna a nei lo thei lo ve bawk a ni.

KHAWVEL A THLIARKAR KHAWHAR BER - TRISTAN DA CUNHA

KHAWVEL A THLIARKAR KHAWHAR BER - TRISTAN DA CUNHA

V.Lalengmawia

Tun hma a British sawrkar ropui takin a ram lo awp tawh tam tak ten zalenna (independence) an hmuh deuh vek tawh laiin ram te nau tam tak erawh chu tun thlengin an thu hnuaiah a la awm hlawm a.Tam tak chu ram han tih tur khawpa lian an ni lem lo.Chuvangin heng ram te nau ho hi ‘British dependencies’ an ti mai thin.A awmzia chu kawng engkim deuh thaw ah British sawrkar puihna leh tanpuina an dawng tihna a ni ber awm e.Heng Pitcairn Island,Falkland Islands,Diego Garcia,St.Helena Islands te hi British Depencies te chu an ni tawh mai awm e.

St.Helena Islands hi thliarkar hrang hrangin a siam a ni a,heng Ascension,St.Helena leh Tristan da Cunha te hi St.Helena Islands tia hriat an ni hlawm a.St.Helena Island zinga pakhat Tristan da Cunha hi khawvel a thliarkar hla ber leh khawhar ber (World’s loneliest island) tia hriat chu a ni ta ni.Tristan da Cunha hi South America khawmual pui leh South Africa ram in kar lai tak vel a awm niin,a thenawm thliarkar hnai ber St.Helena atangin mel 1320 zeta hla a ni.

Tristan da Cunha hi volcano-tlangkangin a siam a ni a.A ram zau zawngin hi mel 38 biala zau niin,sea level atanga tehin feet 6760 a sang a ni.He thliarkar hi kum 1502 daih tawh khan Portuguese lawng miten an lo zu hmu daih tawh a .Amaherawh chu he thliarkara mihringin chen nan a nghet taka an neih kum chu kum 1816 chauh kha a ni a.He thliarkar hmuchhuah atanga kum 300 hnu fe ah chauh mihring an cheng tihna a ni chu.Hemi kum vek hian British sawrkarin Portugal sawrkar lak atangin he thliarkar hi a nei ve leh nghal bawk.Hemi kum bawk hian British Navy te chuan mi pakhat William Glass chu he thliarkarah hian hnutchhiahin he thliarkara mi cheng hmasa ber a lo ni ta a ni.Hemi hnu hian lawng a zin mi ten an tlawh ve zeuh zeuh avang leh lawng a chhiatna tawk ten chen nan an hman chhoh ve zel avangin mihring pawh an pung chho zel bawk a.Tun ah hian he thliarkar a mihring awm zat hi an vaiin mi 300 vel a ni tawh a ni.Kum 1816 atang kum 1940 thleng khan Tristan da Cunha a nun dan phung chu a ngai chho pat reng tih theih a ni a.Kum 1945 a Indopui II a lo zawh hnu khan thil tam tak in thlak thleng awm chho tanin factory te nau engemaw zat pawh thliarkar ah chuan bun tan a ni bawk.Tun hmaa pawisa ang chi reng reng hmang ngai lo leh mamawh lo khan Indopui II hnuah chuan pawisa te pawh an lo hmang ve tan bawk.British sawrkar pawhin roteltu tura a aiawh atan London Foreign Office atangin Administrator a ruat bawk a,hemi bakah hian kum khat vawikhat lawng lian tirin mipui mamawh leh damdawi thil te phur luh tir tan a ni bawk.

Hetia British sawrkarin an ngaihsak leh nun phung pangai ang ve taka an khawsak tak avangin Tristan ho pawh chuan nuam an ti ve tan hle a.Amaherawh chu nuam an tihna chu tlang kang volcano in kum 1961 khan a nuai ta hrep mai a.He tlangkang hian Tristan ho khawpui ber Edinburgh chu nasa taka sawisa in mipuite pawh chu an sa himnna turin British sawrkarin Cape Town ah a phur khawm ta vek a,hemi hnu hian Tristanians ho chu England ah phurh haw an ni ta vek a ni.Tristanians mi tam tak chu kum tam tak he thliarkara lo awm tawh leh zin chhuak ngai lo an nih avangin hetia England a an han phurh haw vek avangin an nun phung a buai phah hle.Sapram atanga kal vek ni mahse an thliarkarah an lo chen rei tawh em avangin an zia a lo dangkam hret hret zel a ni.

Kum 1963 ah Tristanians tam tak chu thliarkarah kir lehin,hemi hnu hnian school leh damdawiin chu sawrkarin a sak sak ta bawk.Hemi bak ah hian sawrkar in sangha manna lawng dah khawmna tur harbour house a sak sak bawk.Tristanians te pawhin an nun thar chu phur takin an chhunzawm tak avangin an hlim hle a.Tunah hian he thliarkar hian chaw hmeh chi hrang hrang zawrhna tlem te,radio station te,internet cafe pakhat leh video dawr pakhat leh swimming pool te pawh a awm ve tawh a,telephone leh fax machine pawh a awm ve tawh bawk.Kum tinin British lawng RMS St.Helena chuan he thliarkar hi vawi khat tal tlawhin lehkhathawn bakah sa tin chi hrang chrang te,videos,lehkhabu,magazine leh damdawi chi hrang hrangte a rawn phurh luh sak thin.Tristan da Cunha ah hian lehkha thawn hi a neitu te hnenah pe lo in
a hming neitu kha an chhiar chhuak a,an in pe mai thin.

Tristan da Cunha ah hian a hmunah Administrator awmin member 12 an awm ve bawk a.An term hi kum thum chhung niin kum thum danah an in thlang ve thin.Member inthlan ah hian Tristanians te chuan an thlan a te kha an in ti lian lutuk ang emaw,a in luling lutuk ang tih emaw an hlau ber thin.He thliarkarah hian police an la awm lo a,police station chu awm ve in,police ni lo in ralthuam tlem azawng an dah khawm zawk a ni.

Tristanians ho hi hnathawk vek an ni a.An hnathawh chu sangha man hi a ni mai a.Chuvangin he thliarkar hian unemployment problem a nei ve lo a tih theih awm e.Hmeichhe naupang ho hi a tam zawk chu lehkha zir turin St.Helena ah an tir thin a,chutah chuan A-Level te passin,hmeichhia ten hmasawnna an nei nasa tawh hle.Naupang ho school atanga an pass chhuah chuan an sawrkar te tak te hian an hna tur chu a lo ruat ve thei mai thin bawk.Tin,mipa naupang hi kum 15 an nih atangin sangha man tir an ni tlangpui a,chuvangin mipa naupang chu chak hle turah an ngai thin.

Tristan da Cunha ah hian social life a tam loh avangin mi in zu in lamn an uar phah hle a.Kum 1994 atanga chhutin Tristanians te hian kum tin zu hi mi pakhatin litre 50 zel in anga chhut an ni.Thlakhatah an sum lakluh hi British Pound 100 anga chhut ani chungin,an pawisa neih tam zawk atangin zu an lei thin.Thil mak tak erawh an life expectancy rate hi UK a mi te nen a in ang reng tho mai.

Tristanians ho hi an in thlah pung chak vak lo hle a.Tunah hian mihring 300 vel awmin chhungkua hi 80 vel an awm a.He thliarkarah hian hnam(surnames) 8 chiah awmin heng Glass,Swain,Rogers,Green,Hagan,Lavarello,Repetto leh Patterson.Kum 1986 khan Scot mi pakhat Patterson chuan Tristanian a neih avangin leh a chen hlen tak avangin Patterson chu Tristanians te zinga hnam thar ber a nih tak chu.

British sawrkar atangin Tristan da Cunha hian engmah tanpuina a pawisa zawngin a hmu ngai lo a.Amah leh amah hi a thawk in,a mamawh chu a thawk chhuak mai a ni.Mamawh an neih tam loh em avangin Tristanians ho hian an sangha man atanga sum an lakluh te,small scale industries leh thil te nau neuh neuh atanga sum an lakluhte hi an dam loh changa Cape Town khawpuia damdawia in enkawl nan an hmang thin.

Khawvel ram dang ngaihtuah chuan Tristanians ho nun dan hi a hahthlak hmel hle a.Amaherawh chu communication technology lamah nasa taka hmalakna a awm avangin engemaw chen chu a zia awm tan tawh bawk.An ni chuan he thliarkar khawhar tak,tumah in an tlawh pawh zen zen lo a awm a,tuma chim buai loha awm hi an thlang ber niin a lang.

KHAWVEL A POLITICIAN HAUSA ZUALTE

KHAWVEL A POLITICIAN HAUSA ZUALTE

V.Lalengmawia

Khawvela roreltu tam zawkte hi chu keini pawhin kan lo hriat lar em em politician te hi an ni a.Politician ni kher lo,roreltu awm bawk mahse politician-democratically a thlan lal ho hi an lar berin mipui ngainat pawh an hlawh ber awm e.Politician thenkhat chu chhungkaw hausa sa hrim hrim te,a then chu an thawhrimna avanga lo hausa ta te pawh an awm nawk bawk.Chuvangin hausakna kan neih dan pawh a in ang hlawm awm lo e.A hnuaiah hian khawvel a politician hausa zual thlan khawm te tarlan a ni a.Thenkhat te hi chu kan hriat lar em em loh te an ni mai thei.

Silvio Berlusconi of Italy

Silvio Berlusconi hi Italian politician hlun leh langsar ber pawl a ni awm e.Kum 2001 khan a vawi hnihna atan Italy Prime Minister tura thlan leh a ni a.Prime MInister anih hma pawh hian Minister niin hna chi hrang hrang pek a lo ni tawh bawk.A hausak na hi a ro chun ni loin a thawhrimna rah liau liau a ni.Tunah hian Italy rama thu leh hla puanchhuahna lian ber Finivest neitu a ni.AC Milan neitu pa a ni bawk a,AC Milan a David Beckham khelh tur chungchang a thu awmah pawh Silvio Berlusconi hian Victoria Beckham chu America atanga Milan a a pem dan TV a chhuah turin Dollar 10 million a phal thu a lo sawi tawh bawk.Hei hi a hlawhtlin chuan Italy a TV appearance to ber a ni dawn a ni.

A sum neih zawng zawng chhut khawm hi US Dollar 7.2 billion a ni.Nei ngah tak tur chu a ni e.

Richard J.Egan of USA

Amah hi US Marine a thawk thin,Korean War ah pawh lo tel ve nek tawh a ni.Egan hian kum 1979 khan a thiante nen data storage EMC an din a.Hemi hma hian hmun hrang hrang Honeywell,Intel leh Lockheed ah te pawh a lo thawk tawh bawk.Kum 1960 a MIT atanga a graduate hnu in Apollo scpacecraft duangtu pawimawh tak zingah a tel.Amah hi Republican party mi niin tunah hian US ambassador to Ireland a ni mek.A sum neih zawng zawng hi USD 1.3 billion vela chhut a ni.

Rafik Al-Hariri of Lebanon

Amah hi mi hausa a nih hma chuan Saudi Arabia ramah construction hna a thawk thin.Kum 2001 khan Lebanon Prime Minister nihna a vawihnihna atana a chelh leh a.Lebanon ram rorelnaah a in tah luh avangin a fapa upa ber Saad chu a pa sumdawnna enkawltu a ni rih.Rafik hi tun hnai mai khan thah a ni.A sum neih zawng zawng hi USD 4 billion nia chhut a ni.

Winthrop Rockefellar of USA

John D.Rockefellar tupa a ni a.Tuialhthei lamah an hausa hle.A pu John D.Rockefellar hian kum 1870 khan Standard Oil Company a lo din tawh a.Chuvangin oil lamah an hmingthang hle.Winthorp hi Republican party mi leh sa niin state Lieutenant governor nihna pawh a lo chelh tawh bawk.A hausak na hi USD 1.2 billion anga chhut a ni.

Thaksin Shinawatra of Thailand

Thailand Prime Minister hlui a ni.London a a zin hlanin sipaiin a sawrkarna an lo paih thlak avangin tun thlengin sapram lamah a awm rih.A hausakna hnar ni a ngaih chu a telecom company Shin hi a ni.Amah hi Ph.D degree nei ngat niin police officer hlui a ni.English Premiere League a Club pakhat pawh hi a ma ta a ni.A sum neih belh khawm chu USD 1 billion a ni.

Roman Abramovich of Russia

Russia rama hausa ber pahnihna a ni.Kum naupangte anih laiin a nu leh pa in an thih san a.College a kal ve lah chuan thuneituten an la hnawt chhuak zui a.Amaherawh chu kum 1990 chho vel khan tuialhthei sumdawnna velah a vanneihna tur chu bul tanin tunah chuan Russia rama hausa ber pawl a lo ni ta a ni.Tunah hian Russia sawrkar in Chukotka Governor nihna a pe a,a chelh mek bawk.EPL a Chelsea Club hi a ma club a ni bawk.Tunah hian a hausakna hi USD 3 billion vela chhut a ni.

David Sainsbury of Britain

David Sainsbury hi mi hausa sa a ni a.Ei leh in zuartu hmingthang tak Sainsbury Company hi a ma ta a ni.Kum 1998 atang khan British sawrkarah nihna pawimawh tak tak a chelh chho a.Tunah hian Minister of Sciences nihna a chelh mek.A hausakna hi USD 4.3 billion a ni.

Michael Bloomberg of USA

Michael Bloomberg hi chhungkaw hausa tak an ni ve reng reng a.New York City Mayor a thlan anih tum khan a campaign nan ringawt USD 70 million a hmang ral an ti.Bloomberg hian chanchinbu lam ah leh sumdawnna chi hrang hrangah sum a hai lut hnem hle a.World Trade Centre din thar leh turah pawh a hma hruaitu ber tur a ni.A sum neih zawng zawng hi USD 4.4 billion a chhut a ni.

Christoph Blocher of Switzerland

Christoph Blocher hian chemical leh plastic company lian tak a nei a.Amah hi Swiss People Party member a ni.An party hi an conservative em em a,Switzerland pawh European Union a tel hi an duh lo a ni.Kum 1979 atang khan Blocher hian Swiss Parliament ah member nihna a la chelh char char a,amah avang hian an party pawhin inthlan hnuhnung berah seat awm zawng zawng hmung nga a then a hmun khat lai an chan theih phah a ni.A hausak na hi USD 1.4 billion a chhut a ni.


Heng bakah hian politician hausa tak tak an tam hle a.US President George Bush te pawh kha oil company neitu an ni a,hausa hle tura ngaih a ni bawk.

Saturday, November 1, 2008

MDF leh MNF in bial khat ve veK

Kumin Dec 2 a MLA General Election lo awm turah Mara ram a bial pahnih Palak A/C leh Siaha A/C chu MDF leh MNF in seat khat ve ve in an chang dawn tih a chiang ta.Ni 31 Oct 2008 a Pu PP Thawlla nen phone a kan in biak angin Pu PP Thawlla chuan Palak A/C hi MDF in kan chang a,MNF in Saiha bial an chang ve thung ang tih a sawi.

Pu PP Thawlla hi siiting MLA ni lai a ni a.Kum 2003 MLa thlan ah khan MDF ticket in hneh taka thlan tlin a lo ni tawh a ni.Inthlan zawh ah MNF thawhpuiin Minister of State te pawh hun rei lo te chhung a ni hman a.Amaherawh chu India sawrkar in Minister ni thei Assembly bial neih zat atanga chhiar in a rawn bi tuk tak avangin Minister atangin ban a ni.Heti chung hian lungawi takin MNF Ministrey chu outside support pe in Govt.Dy.Chief Whip nihna pek a ni.

Pu PP Thawlla chuan Mara ram a seat 2 hi MDF in chan ve ve kan duh avangin nasa takin MNF hotute pawh kan nawr a ni a ti.Amaherawh chu seat khat ve ve a in sem hi an rel thlu ta a ni.

Heti lai hian Palak A/C ah hian MNF atanga ticket lo beisei ve reng thin Pu KT Rokhaw leh Pu IP Junior te awm dan tur leh tum dan a la hriat loh.Pu KT Rokhaw hian Independent a din a tum niin an sawi.

Saiha A/C lam erawh chu MNF atangin tunge ding dawn tih a loa hriat loh a.Pu HC Lalmalsawma Zasai,Pu Zakhu Hlychho,Pu HV Lalringa, te hming a ri ngun hle.Tin.Dr.K.Beichhua chu Independent in a ding dawn bawk.

Engpawh ni se,tun inthlan lo awm turah hian Mara mipui ten Mara ram tan thawk tha ber tur,a tak tak thawk tur leh ngaihtuahna hmang thiam thlang turin duhsakna ka hlan a.Thusawi thiam leh hmui sep thiam 'lip service' te ringawt thlang lo in mi tha thlang turin ka duhsakna ka hlan a ni.

Friday, October 31, 2008

MIZO WOES : Small Interventions Can Help Solve Problems

MIZO WOES : Small Interventions Can Help Solve Problems
Written by SANJOY HAZARIKA
Wednesday, 12 September 2001

Siaha in India MapNEW DELHI(Sep 12, 2001) : THE town of Saiha, as it is shown on maps, perches precariously about 1,500 metres above a low valley in Mizoram. It takes two days to reach this remote sentinel of the East from Aizawl, with the occasional break for meals and an overnight halt.

Siaha in India Map.Saiha is a dot that’s smaller than most other dots on the map, which tell us of the places and regions that make this planet what it is. The approach to Saiha is marked by rugged countryside that is sparsely populated and rich in unending bamboo groves and both semi-tropical and deciduous vegetatation. The hill ridges are part of the great chains which form the spine of the state; the jungles grow along the roads, making for a visual treat but sighting the next stretch is much more difficult as branches and tall grass bend and wave their way across macadamised paths.
This is surely a paradise for guerrilla warfare. Little wonder too that Mizoram has one of Asia’s few ounter-insurgency training centres, at a little place called Vairangte. It’s located up near the border with Cachar and the Assam plains, and to it come soldiers and officers from the United States, Australia, Britain and other parts of Europe.

COUNCILS:
There were never any clear victors in the Mizo insurgency but the losers were visible as they are in any conflict situation, be it Kashmir, Nagaland or Sri Lanka: the ordinary people. It was the pressure of ordinary folk, through the Church and other groups, as much as that of the security forces which helped the Mizo National Front of Laldenga to come to an honourable peace with New Delhi and their own Mizo brethren.

Saiha is close to the tip of the political boundaries that form the trijunction of Myanmar, India and Bangladesh, as Mizoram, shaped like a spearhead, plunges into the hills and forests of the frontiers of South East Asia.

Despite the hills, the convoluted topography ensures that Saiha, the capital of the Mara Autonomous District Council, can be seen from another ridge at a distance of nearly 40 km, en route from Longkhlai, the capital of the Lai Autonomous District Council. There is a third autonomous district council to the west, the Chakma Autonomous District Council. The last named is one of the poorest areas of Mizoram and the North East. District Councils were set up under the Sixth Schedule of the Constitution to enable tribal communities to develop economically, culturally and politically in the manner that they wished. But there have been major problems.

Each complains of the lack of representation in the government services, in education opportunities, in training skills for industrial employment. Each has a different yet similar story of alleged discrimination by the majority Mizo tribe, as do representatives of the Hmars and the Paites, other groups which are also demanding autonomous district councils so that they can run their own affairs. But they can’t: financial and political control rests with Aizawl, the biggest district which hogs more than 60 per cent of state funds. The district councils say that they are starved of money and cannot even implement central government schemes sanctioned for them because these funds must be routed through the state government.

Indeed, ironically, the complaints by the Maras, the Lais and Chakmas are similar to the grievances of the Mizos against the Assam government in the 1950s and 1960s. The Khasis and Garos had voiced similar resentment. The Mizos have their own state as do the Khasis, Jaintias and Garos with Meghalaya but they’re still clashing with each other on who gets more of the financial cake.

In some cases, as that of the Chakmas, basic facilities of government do not exist. First of all, frequent travellers on the road connecting the Chakma capital of Mamla Nagar (this is what they call it; the Mizos call it Chwangte) is a back-breaking exercise. Little wonder, then, that hardly any heavy transport vehicles (read buses and trucks) ply the roads.

NAMES :
This road is the responsibility of the state public works department while the narrow but brilliantly built national highway No 54 which takes up from the steamy, overcrowded, messy plains to the twisting and turning bends of the hills and their clear, fresh air has been built and maintained by the army’s Border Roads Directorate Organisation. Landslides are frequent in the furious monsoon rains but are cleared at a steady peace by the BRDO.

Not to speak of banks, there isn’t even a sub-treasury. When asked to set up a branch in the district council, the State Bank of India demanded that the council pay for its security.

The council sends its cashier to Lungleh, about 120 km on that hellish highway, to draw money. On one unfortunate day in July, there was not enough cash at Lungleh so the poor man had to travel another 220 km to try and cash the cheque at Aizawl only to be sent back to Kamala Nagar — it hadn’t been countersigned by a senior member of the council. The Chakma District Council has no hospital, not even a post office.

The Maras, some distance away, make their views known quite openly. They resent the fact that in the list of Scheduled Tribes, they are still defined by an older name, Lakher, while in the Sixth Schedule of the Constitution, they are referred to as Maras! The case of the Lais is even more poignant. They are called by this name in their council area but are called the Pois in the Scheduled Tribes list, a name that angers them deeply.

The Maras are a community of about 50,000 persons who live predominantly in the district council area but also have kin in neighbouring Myanmar. And they are very sensitive about place names as well as how they are officially called. As soon as you enter Maraland, the spelling of their capital changes: it’s no longer Saiha. That’s a Mizo name, we are told, signifying nothing. It is Siaha, a place where the tusks of an elephant fell after it died.

FRUSTRATION:
There are other small groups demanding recognition and inclusion in the Scheduled Tribes List. One is the Paite, with a population of about 60,000 in eastern Mizoram. Their demands for inclusion goes at least back to 1980, when they addressed memoranda to Indira Gandhi, seeking this right. Despite backing from the current chief minister Zoramthanga, their pleas have fallen on deaf ears.

It does not take much for these changes to be brought about. The Home Ministry and the tribal affairs ministry need to put their heads together and act quickly. These are small communities but they are strategically placed at the trijunction of India, Myanmar and Bangladesh. Arms, smuggled goods and people flow with ease across this region. Myanmarese insurgent groups camp on the Indian side of the border. Indian intelligence agencies prowl the hills and towns. In this little place, great games are played.

The demands of Mizoram’s small groups can be met within the existing constitutional, economic and political framework: central funding for local governance; reservations in jobs at the state level; recognition of groups in the Scheduled Tribe list to name the basics. Otherwise, the growing but dormant frustration in this strategic end of India could create a fresh nightmare. It may not take much to defuse the current situation — small interventions, sensitivity and the simplicity of foresight and wisdom.

Surely, it does not require an insurgency to help New Delhi and Aizawl to see this?

Note: The author, formerly of the New York Times, is Senior Fellow, Centre for Policy Research, New Delhi.(when this article was published).

Courtesy to The Statesman Newspaper, this article appeared on Sep 12, 2001 in the stated newspaper on its EDITORIAL COLUMN. (Original link here : click )

Mizo nih hi a nuam lem lo ve

Mizo nih hi a nuam lem lo ve - Hlimpuia, Jampui

Kum 1997 October thlaa Mizorama thil thleng kha mahni kutzungtang kan hriat tlukin kan la hre chiang ngei ang. Bru hovin Mizoram chhuahsana Jampui Tlang (Tripura) an rawn chuanchhuah tantirh khan khaw thenkhata YMA-te chuan an ei leh in tur tlaivar thaka buaipuiin an lo chhawmdawl a nih kha.

Nimahsela chawlhkar khat pawh a liam hmain Upper Dosda leh Banchera khuaa Mizo awmte chu Bru raltlan leh an chhehvela Bru awmte chuan an bei nghal a, inchhung bungrua bakah an ranvulh - bawng, kel, vawk leh ar te an la fai vek a, tuikhuah sangha quintal bi tak meuh an mansak vek a ni. Satnala khua leh Tualsen khua te pawh hetiang bawka beih an ni. Nunna humhim tul avanga mahni haklai nen chauva tlanchhuak an nih avangin in leh lo, ui leh ar, ser huan leh kuhva huan te an chân fai vek a, chhut sen chi a ni lo. Kha buaina avanga Sakhan tlang leh a chhehvela Mizo ten namen lova an tawrh dan kha tum khat maia ziak sen chi a ni lova, tun tumah hi chuan Sakhan Serhmun lam kan hawi bik dawn a ni.

Sakhan Serhmun khua pawh um chhuah nghal an ni chiah lo nain an tuarna a nep chuang bik lo. Nasa taka nekchep nghal an ni a; chiseh an lakna awm chhun Ananda Bazar an tlawh pawh thei lo nghal a, sorkar hna thawkte tan lah Bru chenna hmunpui leh raltlan inkulhna hmun te kaltlang rual a nih tak loh avangin hlawh (salary) an la thei hek lo. Bru te chuan Serhuan an suasam a, a rah lawh mai duh tawk lovin a zar an titliak chiam a, a veng tura daipawna awm ngam a nih tawh loh bakah Mizo kâ atanga khapna thuchhuak reng reng chu Indo thu puan tluk a ni ta zel mai si. Tharuma rawn beih tum a nih thu a lo thleng reng a, mahse ram dinhmun enin tanpuitu Mizo hmel lo hmuh chu beisei phak rual a ni lo. Pathian kuta inkawltir leh thih ral thak thlenga tankhawh tura inbuatsaih bak kawng dang zawh tur a awm ta hauh lo.

Chutih lai vek chuan 'Lo chhuak thuai thuai teh u, kan chetna in dal reng mai' tiin Mizoram lam atanga thu kal zel chu Signal-in a thleng reng a. Chu chuan an rilru buaina a tizual a, mahni hnampui te mawhchhiatna a sâng thei hle dawna a lan rual rualin Mizo tak pawhin ngaih pawimawh tham a tling reng a ni. Mahse chhuahna kawng a awm ngang si lo. An mu thei lova, chaw an ei thei hek lo. Bel chhunga tui rawn so chho mekah an talbuai a ni ber mai. Naupangte chu thlamuang taka mu turin an hnem a, thlaphang tak chungin an muhil ve leh mai bawk thin. 'Hengte hi ka venghim zo ang em? Nge kan thi fai vek zawk ang?' tia nu leh pa ten fate muhil hmel thlir vawng vawng chang a tam mai. Hetih lai hian khaw hrang hrang atanga Mizo nekchhuah te chuan engemawti kawng kawngin Jampui tlang an thleng tawh hlawm a ni.

Manganna leh buaina karah hun a kal zel a, December thla a lo thlen chuan khawbu chhuahsan tawh ten 'Engtin nge Krismas kan hman ang le?' tia an kun mek laiin Sakhan Serhmun-a la awmte chuan Krismas an thlir thei tawh bik lova. 'Engtin nge kan chhuah ve ang?' tih leh 'engtin nge in leh lo, ui leh ar, inchhung bungrua, serhuan leh kuhva huan te kan tih tak ang? tia inhambuai chu tihmakmawh a ni ve thung. Chutih laiin sikul lamah Cl.I-VIII kum tawp exam neih fel ala tul si. Venhimna lam thlahthlam theih a la ni chuang si lo, buaina a chhahzia kha... thua sawi fiah sen a ni love.

Boruak a zang chho hret a, Jampui tlang atangin Tripura Group YMA hruaitu ten a hmuna kalin an chhuah ve dan tur an ruahmanpui thei ta, a va lawmawm em! Kum 1998, January thla tira pem chhuak turin hma lak tan a ni ta. Sakhan tlang atanga phairuam lam pan thlak hnuah luidung thul tak zawh leh ngai a ni. Chutianga K.M. 12 zet kea kal hnua motor kai thlen chauh tur a nih avangin bungraw lian tham te leh an ranvulh te chu tihral hmasak a ngai ta a. A man inawmtawka lei tur mihring an awm si lo, a thlawn tluka mi kuta an hlan tak, mittui nena an thlir liam te kha... chhiar sen a ni lo.

Chutih lai mekin in leh in, ram leh ram inthlengpui tur zawngin Mizoram atanga lo chhuk Bru thenkhat an lo lang ve ta. A thlawna kalsan ngawt ai chuan ti bawkin mi thenkhatte chuan an inrempui ta nual hlawm a; mahse chu pawh chuan a daih sen loh avangin serhuan leh kuhva huan engemaw zat chu kalsan a ni ta nge nge a ni. Chutianga an kalsan in leh huan te chu Tripura hel pawl pakhat NLFT te chuan neitu nih hauh nghalin sum hnar atan an hmang ta hmiah hmiah mai a. Kum sawm a lo tlin tak hnu pawh hian a neitu dik tak Mizote hnenah hian an la pe kir duh lo fan a ni.

Chutia chhuak mai tur an nih lai mekin Krismas hun a lo thleng leh ta, ava lungchhiatthlak tehreng em! Hmawngchuan khua atangin Krismas hmanpui turin Lalpan thalai rual a hruai thleng leh ta mai, ava lawmawm tehlul em! Krismas chu engemaw titiin an hmangho hram a, kum danga Krismas chu a ang thei tawh ngang lo a ni e.

January 9, 1998-ah chuan Sakhan Serhmun-a Mizote chu Group YMA hmalaknain hruaichhuah an ni ve ta. Hemi ni tukthuan ei fel hnu chuan Group YMA hruaitute chuan Tawtawrawt an ham ta; mipui an lo chhuak zel a, a then an kal zel laiin nu leh pa engemaw zat chu mahni in chhuahsan hlei thei lo, tap chunga khalh chhuah ngai te pawh an awm nual mai. An in te, serhuan leh kuhva huan hringdup mai te chu an thlirlet chamchi a, mahse chikhawna chang em lovin Jampui tlang chu zanah an thleng thei ta a ni. Hmunpui khua an lo thlen chuan zan thim pawh sawi lovin mipui tam takin ei tur nen an lo hmuak a; an hmelah lainatna leh khawngaihna a langchhuak theuh hlawm a, a ropui hle. Group YMA hruaitute tlawmngaihna leh hmalakna te, Pastor (UPC) Lalchamliana (a awmna kan hriat tak loh) tlawmngaihna te a chhuanawm tak meuh meuh a ni.

Khaw hrang hrang atanga Mizo nekchhuahte chu in leh lo nei tawh lo an nih hlawm avangin thenkhatte chuan khaw hrang hranga lainate an bel hlawm a, thenkhatte erawh chuan in ruak awm remchang apiang an luah hlawh ve thung. Tichuan, chhungkaw engemaw zat chu Jampui tlanga khaw hrang hrangah an awm ta a, chhungkaw engemaw zat erawh chuan Mizoram thleng chhovin khaw hrang hrangah awmhmun an khuar ve ta a ni.

Hun a kal zel a, Mizo raltlante dinhmun ka thlir chang hi chuan 'Mizo nih hi a nuam lem love' ka ti thin. Mizo raltlante chu eizawnna mumal nei lo an ni ta. Ei leh bar harsatna avangin chhungkaw tamtak chu an inthen darh (khawsa hrang) a, hmun hrang hrang an pan darh na chungin harsatna an pal darh zau mai niin a lang. Kum sawm a lo pumhlum ta hial a, Mizo raltlante hian chhawmdawlna buhfai engzat nge an dawn a, tangka engzat nge an dawn ve tawh le? Tripura-a awmte hi chi tam zawk (tlangmi) eptu nei an nih avang nge Vai sorkar hian a ngaihsak duh lo tia ngaihtuahna a kal mek laiin Mizoram thleng chho ta te pawh Mizo sorkar hian lainatin a lo uksak bik lem lo a ang hle. Hmun thenkhatah phei chuan inlainata lo inchhawmdawl a hnekin an lo huphurh a, thik tlak loh an lo thik a, inchung tur Rangva dawng ve tura thenkhatin hma an lakpui mek laiin dawng lo tura hma lo la ve char char te pawh an awm thin.

Kum 1998, kum laihawl velah khan Sakhan Serhmun atanga raltlan, Darlak khuaa pemlut, pa upa lam ni tawh Pu Ropianga te nupa chu khatih hun laia Mamit D.C. khan lainata an thlavang lo hauh ahnekin a chhan leh vang hriat tur pawh awm hauh lova zu rui chunga a lo tim nek mai te rilrua a lo lan chang hi chuan 'Mizo nih hi a nuam lem love' ka ti lo thei lo a ni.

Kum 2004-a Tripura Mizo Raltlan Welfare Committee-in Mizoram Sorkar Home Department-a Mizo raltlante chhawmdawlna dila lehkha an thehluh kha Mizo raltlan, dinhmun lo tleu tawh te tan chuan beiseina tungding lehtu a ni ngei ang. He Welfare Committee thu leh hla lo dawngsawngtu Home Secretary Pu C.Ropianga'n duhsakna leh lainatna nena hma a lak zel tur thu a lo sawi chu chanhaite tan chuan 'Chanchin Tha' a tling ngei ang. Mahse hun rei tak chanchin hriat tur a awm leh tâk loh avangin, Jampui tlanga Mizo raltlante chuan Aizawl-ah palai tirin April 25, 2006 khan Pu C.Ropianga chu a office-ah an hmu leh a. Hemi tum hian Home Secretary chuan Mizo raltlante chungchang chu Central Home Department-a a thlen hnuah mi tutute emaw a sawipui leh thu te, Bru helho lo kir leh te chhawmdawlna a awm hunah Mizo raltlante tan pawh chhawmdawlna a awm tur thu sawiin he hun hi lo nghak phawt turin raltlan palaite chu a lo hrilh a ni.

Kum hnih lai a liam leh ta. Bru helho kir leh ten chhawmdawlna vawi engemaw zat an dawng tawh a, sawi nuam an ti a, mi hmaa tangka han phawrh vel nuamti pawl bo hek suh. A nih, Mizo raltlante tan hian chhawmdawlna hi a awm ve dawn lo em ni ang? Tute emaw kailawn tisangtu a lo ni tawh zawk em ni dawn le? Nge inthikna avang bawkin thil a khawlo leh ta zawk? Kum 1993-a Sakhan Tlangsang atanga pem chhuak, tuna Phuldungsei khua (Jampui)-a awm ten Pu R.Khawpuithanga, MLA leh T.Z.A. te behchhana raltlan nih ve an lo tumna chu Welfare Committee bultuma hmalakna tikhawlotu a ni em (?) tih chu mi tam tak rilrua zawhna awm mek a ni leh ta. Thu dik hi khawiah nge a awm le?

Mizo raltlante dinhmun hi i chhut chiang ngai em? Mahni duhthu renga pemchhuak an ni lova, nunna humhim tul avang zawkin mittui nen an lo chhuak a nih kha. Pi leh pu atanga an luah ram, Krista lo kal leh thlenga an chenna tura an lo buatsaih ve hmunah te chuan an theih ang tawk tawkin hma an la ve thin a. Sakhan tlangah hian Kuhva, Serthlum, Satkora leh Litchi te a tha em em a, heng huan te hi an eizawnna ber pawh a ni. Lohtheihlohna, (buai) avanga an rawn chhuahsan lai khan serthlum kung tam tak chu a la puitling lova, an vanglai an la thleng hman lo. Chuti chung chuan serthlum atang ringawt pawhin chhungkaw tamfe chuan nuai bi an tel tawh a ni. Heng Mizo raltlan zingah hian chhungkaw hotu, pa upa lam ni tawh engemaw zat an awm a. Hengho tan hi chuan an dam chhungin hetiang dinhmun hi an insiam dawn tawh hauh lo tih a chiang reng mai. Kum 1997-a Mizorama thil thleng kha heng mite tan hi chuan 'Vanpui chim' a tling tak meuh a ni.

Kum sawm a lo liam ta hial a, chhungkaw hotu eizawnna kawnga rinpui ber mi pasarih te chuan thlanmual an liam tawh a, an kalsan chhungkaw dinhmun te han belhchian hi chuan lainatawm tak an ni. Harsat zual changte leh Krismas a lo hnaih a, sum indaihloh hun a thlen apiangin an serhuan kalsan tak te an hrechhuak vawng vawng thin. Heng serhuan leh kuhva huan an kalsan tak te hi tunah pawh hian a la tha em em reng a ni.

Mizoram buai tantirh 1966 atanga 1976 inkar chhovah khan MNF rammu ten tangka (tax) an khawna lo pe ve thin, chaw leh buhfai te an khawna lo pe ve thin a, India sipai laka an himna tur hmun lo panpui ve tawh thin heng Mizo raltlante hi MNF sorkar hian han mitsir ve hlek sela ava duhawm em! An tan Mizo nih hi a nuam leh thei ngai ang em le? Hetiang ringawta Krista lo kal lehna lo nghak tur hi an ni bik dawn em ni? Eng vang nge (?), Tute vang nge (?) tih te hi Mizo zingah hian chhutpuitu awm ve se Pathian duhzawng a ni ngei ang.

Sakhan tlang leh a chhehvela cheng thin Mizo te hi tam lem lo mah se, Mizo khawbu nghet panga lai luhchhuah an nih dan te, chung khua atanga raltlante dinhmun Mizo mipuite thinlunga a tlak nat lohzia leh awmze nei phaka lainattu an vanzia te ka ngaihtuah chang hi chuan kan hnam (Mizo) hi ka zahpui ngawih ngawih thin a, 'Mizo nih hi a nuam lem love' tiin tlang ka kawm leh thin a ni.

Source:vanglaini.org

Aizawl Municipal Council i zirchiang dawn teh ang

Aizawl Municipal Council i zirchiang dawn teh ang - R. Sangliankhuma CEO, Aizawl Municipal Council


India Danpui (siamthat vawi 74-na) "The 74th Constitution Amendment Act, 1992" an tih bawkin a phut anga Aizawl Municipal Council din tan mek chungchang hi chanchinbu hrang hrangah chiangkuang tawk lo leh dikhlel deuhte in a lo chhuak ta zauh zauh a. A awmzia leh tun dinhmun te, a kal zel dan turte zirchian a tul khawp mai.

The Mizoram Municipalities, Act, 2007
74th Constitution Amendment Act-in a phut angin India ram khawpui hrang hrang inenkawlna leh inrelbawlna (Municipal Administration) chu Aizawl khawpuiah hman tan ve tawh tula hriatna, hun rei tak atang tawh khan a lo awm ve tawh a. Political Party hrang hrang ten an lo sawi thin bakah Municipal Steering Committee-te hial din a lo ni a. (A lo din dan tobul tak erawh ka hre lo a) Kum tam tak kal ta atang khan Mizoram State LAD atangin Municipal Draft Bill-te pawh lo duan chhin a ni tawh thin a. Chu Draft Bill chu vawi duailo Law Department-te nen thlirho a nih hnuah Urban Development & Poverty Alleviation Department a lo pian khan he Department thar hian Cabinet Approval a lâk hnuah Mizoram Legislative Assembly-ah putluhin, 2007 Budget Session-ah khan Passed a lo ni ta a. Governor Assent pawh dt 16.04.2007-ah lâk niin he Act hi a lo piang ta a ni. Cabinet-in an ngaihtuah tumah hian he Act (Draft Bill)-in a sawi nghal chhunga leng ve tho, District Headquarters dangahte pawh Municipal Board din ve zel chu remtih nghal a ni.

Aizawl Municipal Council din tan dan
The Mizoram Municipalities Act, 2007 (Municipal Act tiin kan sawi tawh ang) passed a lo nih hian Municipal Council chu a ding nghal ngawt thei lova. Dan te sep (Rules) chi hrang hrang a hmanhmawh thlak dan ang zela siam (frame) leh a ngai a. (Entirnan - Delimitation of Wards Rules te, Election Rules te, Conduct of Business Rules, etc.) Heng Rules te han frame chhung hian hun engemaw chen a lo duh leh a. Hetia Rules pawimawh zual te Cabinet-in a pawm hnuah Municipal Office chu a bul lo tan a, hma lo la turin thawktu Officer leh Staff tlem thei ang (skeleton posts) hna chi hrang hrang 26 siam (create) a lo ni ta a. A tan nan Officer thawklai pahnih chu Chief Executive Officer atan leh Secretary atan an hna pangngai bak (additional charge) lak tir an ni.

Aizawl Municipal Office hawn a ni
Aizawl khawpuia Municipal Council (Urban Local Body tih bawk) neih hi Jawaharlal Nehru National Urban Renewal Mission (JNNURM) leh Asian Development Bank (ADB) atanga Aizawl khawpui leh District Headquarters tana Infrastructure Development Project lian tham buatsaihna atan tih makmawh leh Zoram History-ah hun chhinchhiah tlak (milestone) pawimawh tak a nih dawn avangin ni 01.07.2008 khan Municipal Office hawn hi UD&PA Minister Pu Aichhinga (RIP) rawtna in buatsaih a ni a. Amah ngeiin hawng tura a inbuatsaih laiin khami tuk khan a chau thut a. A aiah Pu H Vanlalauva, Minister, LAD (UD&PA lo chelh thin) chuan a hawng ta a. Hawnna Programme zawh fel hnuah he programme ngai pawimawh a, rawt chhuaktu chuan chatuan ram min lo pansan ta a ni. Heta tang hian Aizawl Municipal Office chuan CYMA Building-ah bul a lo tan ve ta a ni.

Aizawl Municipal Area
Municipal Act Section 3 & 4-in a sawi angin Aizawl Municipal huam chin tur han ruahman chhinna 'Preliminary Notification' chu ni 15.5.2008 khan State sawrkar, Urban Development & Poverty Alleviation Department (UD&PA) chuan a lo chhuah tawh a. Hetah hian Municipal Area chuan chhimlamah Muallungthu, hmarlamah Sihphir leh Neihbawi, thlanglamah Sairang leh Lengpui leh chhaklamah Tuirial thleng a huam a. A sawisel duh apiangin thla 1 (khat) chhungin objection thehluh tur a ni. Mahse ziaka thehlut erawh an awm hriat a ni lo, tawngkama thenkhat (Tlangnuam RD Block chhunga mite telin) in an sawi mai loh chu.

Section 6-in a sawi angin thla 3 (thum) hnuah a area tur Final Notification chu ni 10.10.2008 khan Mizoram sawrkar, UD&PA Department chuan (Aizawl Development Authority ni lovin) a lo chhuah leh ta a ni. Hetah hian a hmaa lo ruahman chhin aia zim zawka dah a ni ta a. Hei hi Veng thenkhat tel ta lo te hian an lo helh deuh ni te pawhin a lang. Amaherawhchu, heng Veng tel ta lo te hi Aizawl khawpui huam chhunga chhiar vek tho an nih avang hian Municipal Area-a an tel loh hian chan/ hloh an nei ang em tih leh Municipal Council a function tak tak hunah chuan Property Tax te leh tax thar chi hrang hrang bakah tuna chawi lai mek - Water Tax, Electricity Tax, House Tax, etc te hi nasa taka tihpun tur a lo ni ang a. JNNURM Guideline ang phei chuan a Mission Period tawp 2012-ah phei chuan Municipal Corpn/ Council zawng zawngte hi an intodelh (self sufficient) tur tih a nih avang hian anni hi an thawveng phian thei a ni. Municipal Development Scheme-te hian kawng tam takah a la huam/ kep ve thei teuh dawn si a (Sanitation/ Solid Waste/ Drainage/ Sewerage, etc) Shillong-ah te pawh khuan Municipal Area chu tereuhte a ni a, a zau zawk khu Municipal area pawn an ni a, Shillong khawpui huap vek an ni tho.

State Election Commission siam a ni
Article 243K sawi angin State Election Commission chu Sorkar-in a din ta a. He State Election Commission hian Municipal Election leh District Council Election te chu a buatsaih tur a ni a. Officers leh thawktu dang atan Sorkar pawhin hna thar a siam mek niin a lang a, a lawmawm e. Amaherawhchu, Election Commission hian a hna hmasa ber tur Municipal Electoral Roll buatsaih chu Aizawl Municipal Area chhunga Ward (Constituency) awm zat tur leh then fel hnuah chauh a tan thei ang. Municipal Act ang chuan Ward 11 aia tlem lo, 23 aia tam loah then tur a ni a. A zat tur hi Sorkarin a bithliah veleh Delimitation of Wards Rules-in a sawi angin Aizawl District Bawrhsap-in a leilung awmdan leh mihring awmzat enin intiat tlang thei angin Ward thenna hi a buatsaih tur a ni. Heng hi tihfel vek a nih hma chuan Election Commission hian Municipal Election atan hna a thawk tan thei lovang.

Municipal Council or Municipality
Aizawl Municipal Council tiin a Act-in a sawi angin vuah a ni a. Corporation ti tur chuan Aizawl Population-in a pha lo. Khawpui lian zawk mihring nuai sawm (10) aia tamnaah te Municipal Corporation an nei, chu chu kan Act ang pawhin a ni. Mahse, tunah Municipal Elected Body (Municipal Body tih ngawt ni loin) a awm hma hi chuan 'Municipal Council' lo tih hi a dik ber em aw? Aizawl Municipality tih hian a fun kim ve tho niin a lang. Elected Body awm hnuah chauh Sorkar pawh hian Municipal Functions (Schedule 12 of the Constitution) te hi a vaiin emaw a tahtawlin emaw Municipal Council-ah hian thuneihna a pe dawn ni awm tak a

Source:Vanglaini.org