Sunday, January 25, 2009

Sangha tlang vuakna ah ka tel ve

Nikum April 2008 khan Chapui khua ah sangha tlang vuaknaah ka tel ve a.A nuam hle.Kan tihna hmun hi Chhimtuipui hnar,Mizoram leh Burma in rinna chiah chiah a ni a.A ral lehlam chu Burma,a chhak lui pawh Burma a ni.A nuam hle.A tui a fimin a vawt ver ver khawp mai.Zan khat kan riak a,tiau pho ah kan mu dal a,a nuam hle.Hetiang hian Chapui khua chuan reserve lo siamin a khawtlangin an lo vaw thin.Mi 485 puitling kan kal a,kg 15 vel theuh hawn ang kan ni.

Mikhual engmah ti thiam lo ho kha kan tam hle a.Mahse min duhsak hle.Kei phei chuan thaichhawni nu pakhat leh ngha vang pakhat leh sangha dang 3 lai min hawn tir a.A vaiin kg 25 vel ka hawn ang.

Tin,Chapui chu a khua hi a kil em avangin supply thiar thin buhfai phur driver ho an duhsak le bawk.Driver ka hmu hnem hle bawk.
Sangha hi ru lei zungin an vua a ni awm e.Kan han thlen pawhin khaw daiah pa ho leh naupang ho in ru lei an lo phur nasa mai.Kha kha zing ah an vaw sawp vek a,khami tui kha kha sangha khan a rui ta a,kan man a,talh tumin kan vaw pawp pawp hlawm mai.

Hetianga sangha man hi enviromnentally pawhin a tha hle.Engmah chemical tel lo a man a nih avangin a ngaihthat awm hle.Sangha lian te phei chu an rui har thin hle.

Zing dar 6 vel a lo nih chuan a hnuaia mi zat hi kan man tawh.Sangha tlang vuak naah hian hmeichhia kal ve an phal lo a.An tluang duh lo niin an ngai.

Pu Biakmawia,Chapui Store Keeper in sangha a man.

Kan haw lam chu kan Police OC ber kha motor a rui ta tlat a,a buaithlak hle.Kan Medical Officer nula lah chuan a nuih a nuih a nuih leh nghl a,ka khawngaih tak tak a ni.

Saturday, January 24, 2009

Friday, January 16, 2009

Thursday, January 15, 2009

Saiha to Aizawl Sumo on Chhimtuipui (Beino) Bridge leh Tuipang leh Serkawr inkar ke a kalna kawng

A hnuaia mi hi Tuipang leh Serkawr in kal pawhna thin a ni.Tunah chuan PMGSY hmangin kawng laih a ni tawh a,helai hmun hi chu an bomb darh vek tawh.Hei hi kum 2006 kum tawp lam chauh kha a la ni e.


A chunga chuang khi a awm thiam in ti ve lo.Bungrua a ang khawpin ka hria.A lu chiah a ti lang kek bawk sia.A hnunga khaw lo lang khi Kawlchaw Mara nge Kawlchaw Lai ka hre lo tlat.

Tuipang High School building chhung

Tuipang High School hi kum 1960 chho vela din niin ka hria a.Tunah hian sak that a ngai hle.Border area Development Programme atang te hian School building te hi a sak theih tih chhuan lamin Plan ah kan thun fo thin.Mahse eng ti zia teh reng nge maw ni,a tlang thei ngai lo reng reng a.Lo paih tu hi an awm thin em maw ni.


A lem atang hian he school building chhiat zia hi kan hmu thei ang.Mara ramah chuan Saiha tih loha khaw lian ber a ni chungin sawrkar hian ngaihsak se a tha khawp mai.Chuti rualin Saiha leh Tuipanga officer ten ngaihtuahna hmang thiam se a tha hle.



A chhuat te hi a khu em em a,naupang pheikhawk tle te pawh a pawt phah vek thin.Chuvangin he school hian renovate a mamawh hle.



Tin,chhim tawpa awm e ti lo hian an school result hi a chhe vak lo thin.Science Exhibition ah hian Mizoram school aiawhin Madras leh Trivandrum ah an kal tawh bawk.

Lopu pitar pakhat

Lungpuk (Lopu khua a ka zinna a pitar ka hmuh a nia.A la thin chhe em em zui reuh a.A thla ka lak sak a,a thin a rim lutuk.Lungpuk khua hi tunah chuan Tuipang atangin kawngpui laih mek a ni.BRTF ten an buaipui.Kum 2010 ah chuan kawngpui a luh ngei a rinawm.A ram hi nuam tak,zawl ni si lo,tlang ni si lo a ni.Kum 50 hnu ah chuan he ram hi a hlu viau ang.

Lungpuk (Lopu khua a ka zinna a pitar ka hmuh a nia.A la thin chhe em em zui reuh a.A thla ka lak sak a,a thin a rim lutuk.

Gabriel Lalremzuala - 3 months old

Ka u fapa Gabriel Lalremzuala chu ni 19 Oct 2008 khan a piang a.Nau pian tha tak a ni a,mahse November thla tir kar hnih vel khan a thaw a hah thut a,damdawiin ah kalpui a ni a.Septicemia an lo ti a.Oxygen leh thisen chaw an pe nghal a.Tin,a kal a lo tha lo bawk a.Tichuan doctorte chuan November thla vek khan zai a ngai an ti a,amah hi a kaih reng bawk a.Kar thum a zawna oxygen an pek hnu chuan thi tawh se ka ti zawk hle a.A chhan chu naupang nau sen na sawi thei lo tuar atan chuan a na mah mah in ka hria a.Oxygen tube te kha phawi tawh se ka ti zawk hle.



Doctor te chuan an han zai ta.Rinaiin a tha ta phian mai a.Kan chan tawh loh tura kan ngaih kha Pathian zarah dam takin tunah chuan a lo awm leh ta.Gabriela damna tur hian a hria apiangin min tawngtai pui a.Ka thian Doctorte pawhin a thi ang ,mahse Pathian thu thu a ni tiin min hrilh.Kan veng kohhran hrang hrang te,kan hmelhriat leh thian te,Tuipang kohhran ho te leh kan thianpa pastor saprama awm te pawhin nasa takin kohhranah min tawngtai pui avanga dam leh a ni tih hi kan chiang em em a ni.Pathian chu fakin awm rawh se.




An han zai zo kha an zaina kha an clip avangin a pawt na ve ni tur a ni.Ka nau chuan na a ti nang a ni ang,ka kutah min hmer ve nasa lutuk tiin min hrilh.A natna hi mak deuh mai a ni a.Septicemia an ti a,tin,a kal a function tha lo an ti a,oxygen an pek loh chuan a duk vek bakah a awm bawr kha a in len hleih zel a lo a ni a.Mahse an han zai zawh chuan a normal leh vek tho.A zaitu doctor leh nurse te an fakawm hle.