Thursday, May 12, 2011

Thutak ni si nuihzat thlak

Awmpui hi mize hrang hrang nei an ni a, a chang chuan a hlimawm phian thin. Tuna ka awmpui hi High School kal lai mipa a ni a. A nuih zat thlak em a, ka hmuhsit vang ni lo in ka han share ve ang che u.
1.Ka awmpui hmasa a awm theih loh vangin tuna mi hi ka thianten min zawn sak. An hmu a, kan in ah a awm, rawn lam rawh min rawn ti a. Ka han lam ta a, office banah. Kawngka ka luh atanga ka hruai chhuah thleng mit la miah lo in min en char char a. E heu, hei chuh...ka ti nghal phawt a.

2.A han awm ta a. Kan nau te nen rawngbawl leh sekrek khawih an ti ho thin ta a. Ka thu mai mai te, TV ka en lai te hi min lo en leh reng thin a. Hauh chi ah ka ngai lo a, a hming a ko in, tunge kan zingah hian hmuhnawm i tih ber ka ti a..chuta tang chuan mi en reng a ching ta lo

3.Holi kha kan khel a,kawr chhe deuh ha in, rawng chi hrang hrang kai chungin ka haw a. Min en vung vung a, kan nau te bulah 'ka pu hi Hindu nge Christian?, kei chu tih luihna in Hindu poh ni dawn mah ila ka duh teuh lo' a ti zui a.

4.Ka driver hi Mawia a ni a. Vawksa lei dun ang che u ka ti a, ka awmpuipa chu ka zawt a, tunge leipui ta che ka ti a, 'Mawii'n' a ti a. Mawii a? ka ti a, aw, Mawii'n zuk ti tlat a.

5.Saturday nikhat chu a lum si a, ruak kungin internet ka khawih a, a rawn lut thut a, dawrah OC in a hmu duh che a rawn ti a. Ka in ha sawk sawk a, OC chuan engvanga dawra min hmu duh nge ni maw, ani min koh kal theih ka ni lo ti rilru chungin ka chhuak a. Kan kawmchhak a dawr ka melhin a awm bawk si lo, khawnge OC chu ka tihin dawrah a ti bawk si. Engmaw i sawi a, ka ti tha leh chu OCM sahbawn ka lei duh a, a ti mai chuh, ka rek ang chawp chawp chak ania.

6.Saiha hi tui a harsa khawp a. Tui a harsat nak laiin ka tuizem lian em em hi PHE pawhin tui min pe mahse kar khat chhungin a put zo zel a. Ka kawtah quarter ruak, tuizem nei lian sa a awm a, tui kan neih loh deuh chuan khai mai turin ka hrilh a.Mahse tab leh bathroom a tui haw tham kan neih tam hnu pohin a khai a khai tho a. I a em mai, a mai mai teh ka ti thin.

7.Tlai dar 6 ah Saiha dawr hi an in khar vek zel a. Dar 7:30 vel ah hian exercise bu ka zuk lei teh ang a ti a.Ka rilru in, nia zuk kal roh ka ti mai a...lei tur a hmu ta chuang lo a.

8.Tuizem herhna valve hi a thra lo a.Valve hi a thra lo a, a buaithlak ngawt mai, i room ah tui a haw em ka tih avangin zing dar 10 atangin tlai dar 4 vel thleng valve chu a tuai a tuai a...aaaa khai...tuai vel mai mai teh ka ti a, ka ngawihsan daih.

9.Hruizik miin min pe teuh mai a, a dahna ka hre si lo, ka zawng nasa.Khawnge Hruizik i dah ka tih leh Hruizik a hre bawk si lo. A ngaihna ka hre lo lutuk a, mipakhat ka phone ta ringawt a, an tawngin ka in biak tir a, amah lah chu a nuih a za em em a.A hrim hrim in hruizik hi i hmu ngai em ka ti a, hmu ngai lo a ti a.Thingtlang mi in ni a, i hmu ngai lo maw, i hmeh ngai lo mi ka ti leh a, hmeh ngai lo a ti a.Mak chu ka ti deuh.

10.Ear bud te hi lo dah sawn se, emaw, ka room a thil engemaw, room a tih fai paha a lo dahsawn hian , a hming a hre ve tawh thin si lo a, a buai thlak lutuk a, ka room chu lo ti fai toh suh ka ti mai.

11.School ah Mizo tawng thiam i kawm ziah dawn nia, Mizo tawng i thiam lo a, a buaithlak em mai ka ti a. I kawm ta em ka ti a, aw, kawm e a ti tha ve mai a. Ni thum hnu velah tunge in school a i thianpa thar hming chu ka ti a, ka hre lo a ti.

12.Kar tin, thawhtan hian Rs.100, ni khat Rs.20 rate in ka pe thin a. An chawlh chuan i khawl thin dawn nia ka ti a. Kar khat chu ni thum an chawl a,poisa engzat nge i la neih ka ti a.Engzat mah a ti a. Ni thum in chawl a, Rs.60 te chu i la nei turah ka ngai a, khawnge i hman a, ka ti a. Ka hre lo a ti a. I poisa hmanna te chu i hriat lohin ka ti a, Ka pu, ka hre tawh lo reng reng a ti thlawt.

13.A lo awm tirhin jean, chapal, belts, schhol belts leh hanky ka lei sak a. I jean kha va ha rawh ka ti a. A va ha ve ngei a, khawi maw i kawng ka ti a, a kawnghren chu school belt zawk kha a lo hreng trung pek a..Aw..ni looo..kha lo zawk kha hren tur ka ti a, a in her vut a, 'a dik' a ti a..a va in thlak leh ta a

14.Kan driver ho nupui te bulah hian zanah ramhuai nen kan in be thin a te a lo ti a, ka ke kawi hi ramhuaiin min tih kawih sak te a lo ti thin a, kan driver nupui ten an hlau thei hle.

18 comments:

David BC said...

Ka va hlimpui emmmmm, i ompui reng peih chu i fakawm hle mai!!!

lian1905 said...

in inhmeh kala ti tho tho hetah poh hian...awmpui reng roh..in in phu anih kha..tui kang nghah pui la kava ti ve..chuan ..a comment ron dah leh la

faka said...

Haha... in va inputu awm ve aw... Lawngtlai ka awm laia kan tlangval aiin a la chhah hret tlat :)

burgerstud2005 said...

@David: HSLC i pass thleng i awm dawn nia ka ti a, a khawngaih thlak ve em a...
@Liani:Tui kang chu ka nghak peih toh lo...hahaha
@mafaka:Nia, mahse hah chang phei chuan ninawm lek lek thin mawl deuh deuh a khawsak chu.

CyberThug said...

Khai a, a kekawi chu ramhuaiho tihkawihsak pawh alo ni tak tak maithei asin.. A enreng chhan che pawh chu hmana a pu thi tawh, amah leh ramhuaiho in an sawisak hlum kha ang a tih em vang che pawh alo ni reng maithei bawk. Ka hlauhzawng tak ani mai a keichu aaaa...hahaha

TS Khupchong said...

A ngaihna thlâwt a awm lo a nih khi mawle! Hahaha.

Paite chuan mihring hming tawhah mipa leh hmeichhe chhinchhiahna kan dah ngai lo va. Mipa hming leh hmeichhe hming bik a awm thin. I awmpui khi Paite a nih chuan i driver a koh danah dem vak theih a ni lo. 'Mawi' tihte chu hmeichhe hming ni miau hek..haha. A tawpa 'a' leh 'i' telh lova 'Mawi-in' a ti pawh 'Mawia chuan' a tihna tlukah ka ngai.

caribou said...

In hmuhnawm putu dawn mang e... Kum 5 vel han inawmpui ula, chanchin in ngah mai mai ang chu aw. A ngaihnawmin a nuihzatthlak hle mai, i thuziak hi. Mahse, a tawp kharna khi chuh, a dek "den" deuh mah mah anih khi.

Maawma said...

Suppandi min ti hre chhuak :-)

Varte said...

hei chu ka lo hmu har nih hi, van tha hlawm tak em ve le aw... ka nuihpui vur vur mai. i awmpuipa chu awmpui reng rawh :D

Hmelthatea said...

A van han hahthlak theih ve aw! ka nui nasa ngawt mai, lol

ROONEY OPA said...

a va ngaihnawm tak ve. A chhah ve em bawk a nih khi mawle.

Geminiboyz said...

I va'n dawhthei kher ve lee...Ka bulah chuan awm se a hik mup2 fovang mawle. A lo puitlin hun chuan a ziaawm ve mai ang chu maw?

alexxfender said...
This comment has been removed by the author.
alexxfender said...

a khawsa ho awm te te hi in khawsa ho chu a nih ngei dawn hi.. ahahaa
Juice lo pawlh dal tu kha a ni em lo maw..

benjamin rualthanzauva said...

Ka nuih a va za em :)

Dawldanga said...

Nikuma reilote kan awmpui khawchhak lam mi pawh kha a hahthlak ve khawp mai. Chini bur a ti keh, a la zep tlat zui. A hnuah kan dawp chhuak leh ta tho a. A mawl tawh tehreng nen a la in ti mawl chawp deuh roh lehnghal emawni, kawng lehlamah chuan kan hlimpui phian naa hahthlak tih chang ka nei fo mai

Anonymous said...

hi - re your " santon post" yesterday pm me and i will definatley sort you out heres his link
regards
james dentims

Anonymous said...

Easybinarycash.com - Learn how to turn $500 into $5,000 in a month!

[url=http://www.easybinarycash.com/]Make Money Online[/url] - The Secret Reveled with Binary Option

Binary Options is the way to [url=http://www.easybinarycash.com/]make money[/url] securely online