Sunday, February 22, 2009

This is Maraland



Chhimtuipui (Mara tawng chuan Beino) lei i kan a,Saiha District i luh veleh a i hmuh tur chu ‘This is Maraland’ tih sign board lianpuia in ziak i hmu ang.Hei hi a ziaktute ka hre chiah lo nangin MTP (Mara Thyutlia Py)-Mara Thalai Pawl khawi maw ber branch a nih ka ring.Tin,Kawlchaw luh dawn,helai hmun ah tho hian a thlang deuhah Saiha Group YMA in ‘Welcome-This is Maraland’ tih an tar i hmu leh ang.

Hmar lam hian Mara ho in Maraland an in tih hian kan ngaimawh deuh thin niin ka hmu a.A ngaimawh awm em tih te,Maraland tih hi enge a tulna kher?.Saiha District tihah hian duhtawk mai awm?.Nge Mizo kan ni lo e Mara kan ni e tih avangin Maraland tih hi an phuah?.Mara hnam hi District Council siam tirh hun lai chuan Lakher tih a ni thin.Lakher Pioneer Mission pawh Serkawrah in kulhin Mara ramah Kristian sakhua an rawn tuh lut a nih kha.Hun a lo kal zel a,Mara hnam chuan Lakher tih hi Hmar lam ho in hmusit nan a min koh dan a nih avangin Mara tih hi kan hnam hming dik tak zawk a ni e an tih vang ni pakhat in,hun lo kal zelah Mara ti a hriat an ni ta zel a.Mara tih pawh mipui ten an duh zawk vek.

Mara hnam hi hnam tlawmngai,mikhual duat thiam leh ngaihsak hnam tak niin kei chuan ka hmu a.Ka u pakhat hian kan naupan laiin Mara hnam pakhat Zawngling khua a mi chu pasal ah a lo nei tawh a,mahse chung hun lai chuan Lakher ramah a awm kan ti mai thin.Chutiang taka chiangin ka hre lo hle.Kan lo puitling a,sawrkar hna te kan han thawk a,service a ka luh tan tirh chuan Lunglei leh a piah lamah ka awm ang tih ka hlau ber thin.Saiha vela awm chu ACR te hi a chhe duh bik te kan ti thin a.Ka hlau thei hle.



Tichuan kum 2006 kum laihawlah chuan rin loh tak maiin Tuipangah min dah thu sawrkar chuan order a ti chhuak a.Heti lai hian LAD a ka awm lai a ni a.Kan order chu kan Director ka hrilh nghal a,a va pawi ve,kan minister kan hrilh ang e a ti a.Kei chuan hrilh lo e,ka awm rei chuang lo ang,kum 2 vel te chu experiance atan a tha alawm tiin lungawi lo tak chuan ka haw ta a.A dik tak chuan Tuipang awmna pawh hi ka lo la hre lo a.Kan Commissioner/Secretary roomah Mizoram map lian em em mai hi a awm a,Tuipang chu kan han zawng a,khawthlang lam ah a awm ringin ka zawng chiam a,mahse chhim tawpah a lo awm chu niin,ka rilru pawh a hnual vek nghe nghe.In ah ka haw a,ka chhungte ka hrilh a,mahse hlim awm takin ka awm lui a,ka chhungte chuan a awm tur berin pawi i tih loh chuan a tha alawm min ti a.A tuk zing kan tho chu kan chhungkua khan nizan chu ka mu lo reng reng kan lo ti theuh mai a.Keipawh kha mi zan kha chu ka mu lo reng reng.Tuipang ringawt kha ka ngaihtuah a,ka huphurh bawk si leh hreh bawk si khan min ti hrehawm a ni ber.

Tichuan kum 2006 June thla lai hawlah bawk Tuipang chu kan pan ta a.A hla vang vang khawp mai a.Tichuan July thla a lo thlen chuan nghet takin ka awm chho tan ta a.Zing tin hian ka quarters kawt atangin Zawngling kawng ro tak hi ka thlir thin a,ka lung a awi lo thei hle a.Power supply lah chu a han chhe lai leng khawp a.Sept 2006 phei chu a zawn zatin ni 25 vel current a awm lo chu ka a lo chauh tak tak a ni.A hnu ah erawh chuan ngaiah kan nei chho ve ta zel a.Tin,thuneitu te kan hrilh ngun bawk a,kan tha chho ta viau zel a ni.

Tuipang ka awm chhung hian khaw tam tak ka tlawh hman a.Chhim tawp Bymari te pawh ka thleng a.Tongkolong pawh vawi thum lai ka kal hman a.Tin,Chhimtuipui lui kam Lodaw (Lungdar) atangin speed boatin chhim tawp Burma ramri Bymari pawh ka chuang tawh a.Lawngban (Pala) atangin ke ngatin Lodaw (Lungdar) ka thleng tawh bawk.Chhim tawp chhak lam ah Lopu (Lungpuk) thleng chho in Khaikhy thlen ka tum a,mahse kawngah thing lianpui a lo tluk avangin ka kal ta lo a ni.Khaw chhak lamah ni se Chakhang te ka tlawh tawh a,Chapui khua mai bakah Chhimtuipui hnar tak tak India leh Burma inrinna laiah sangha tlang vuak na ah ka tel tawh bawk.Chuvangin Mara ram hi ka tlawh ve nasa hle.Thingtlang mi rethei te te duhsakna ka dawng hian mittui a ti tla teuh thin hle.Heng mi rethei te te hi kei pawhin ka khawngaih thin em em a,Aizawl atangin thawmhnaw hlui hi buara bag 12 vel chu ka sem zo ta ve ang.Mahni in fakna ni lo se.



Mizoram a Mara hnam hi sawi tawh angin hnam tlem te an ni.Burma ram a East Maraland kan tih nen erawh chuan Mara hnam hi tam tak an ni thung a.Thil mak tak mai chu kan Burma unau ten hmar lamn ah buaina leh ruk ruk te,ruih hlo zawrh te an chin viau laiin leh social life an tih buai viau laiin Burma rama Mara te erawh chuan chutiang chu an ching ve hauh lo a.India rama an rawn kal pawhin tha te te in an awm mai a,khaw tin deuh thawah pawh Burma Mara an awm a,mahse harsatna khawtlangah an siam ngai lo.Ahmypi khua pawh Burma Mara tam tak awmna ni awm a sawi a ni a,mahse khawtlangah harsatna siam an awm ngai lo.Hei hi thil danglam tak,Burma ram atanga rawn chhuk thla theuh theuh thil tih dan a ni a.Burma Mara te an fakawm thin hle in ka hria.

Sawi chho zel ta ila,he ram hi ti changkang tur hian sawrkar leh a ram mipui ten theihtawp an chhuah a ngai tak zet a.Thingtlang pilril zawkte chu an khawngaih thlak hle.An in chung pawh hnah hlai chi hlir te awmin,khawsak harsa tak tak vek an ni.Tin,an tlem em avangin khaw pakhatin thlai hnah emaw thar chhuak teuh se,a hralhna a awm leh si lo a,chuvangin kei chuan thingtlang ka tlawh naah hian fa nei tam turin ka fuih nasa thin.Tin,lehkha zir hi uar turin ka fuih nasa thin hle.



Mara hnam hi in ti Mara tak mai an ni a.An mahni tawng leh nun zia (culture) ngaina leh humhalh duh tak mi an ni.Amaherawh chu Mara ruh hlawm viau e ti lo in Mizo tawng thiam hi an tam hle thung in ka hmu a.Hei hian an nun ah Mizo culture in a run nasat zia a langin ka hria.Thingtlang khaw tam tak ka tlawh naah pawh Mara cassette aiin Mizo cassette ka hmu tam zawk bawk.Tin,Tuipang khuaah pawh mithi in vela len chang pawhin Mizo hla hi kan sa nasa zawk thin.Mara hla thlang rawh u,a bu en in ka sa thiam a,ka sa duh ka tih pawhin hla pahnih bak hi chu Mara hla an sa peih vak lo.Chuvangin culture vawn him thu ah te hian Mara ho in nasa leh zuala tan an lak a ngai.Kum 2008 March thla khan MTP General Conference Zyhno ah ka kal ve a,hmeichhe zingah Mara hnam in chei a puan bih an awm lo hle.Hmeichhia ten kekawr tlawn an ha fur mai a.Mara hmeichhe puan (Hnyukha) te hi a nalh teh lul nen uar leh zual se ka ti hle.Heng YMA leh MTP conference hi kan hnam in cheina kan lan chhuahtirna a nih avangin a theih hram chuan hmeichhia ten kan hnam in cheina hi ngai pawimawh se a tha khawp mai.



Tichuan Mara ho chuan Mara hnam ka ni a,Mizo kan ni lo an ti fur thin.Hei hi hmar lam mi tam tak pawhin an ngain haw thin niin ka hmu.Hmar lam tan chuan ngaih huat theih awm tak tho a ni a.Mara ho tan lah Mizo ka ni lo tih chu a dikna chen a awm ve tlat a ni,an ngaihdan atanga thlir chuan.Enga ti maw?.Mizo ni tur chuan Mizo ah hian kan pawm nghet tur niin a lang.Mara tawng hi a hrang a nih avang hian outsider an nihna a keng lo in ka hmu.hmar lam hian hmusit rawng deuh hian kan tih thin avangin leh nuih zat kan chin avang hian an rilru hi a hel tih ka hmu.A dik tak chuan Mara tawng leh Mizo tawng hi in ang tak tak,a lam dan in ang chiah lo,mahse a ziah dan in ang deuh deuh hi a tam zawk an ni.Tui chi ti,chhungkua chu chhokha,khua chu khipi...kha tiang zel khan chiang taka zir chuan dang lamna vak a awm lo a ni.Chuvangin in unauna hi a pawimawh ber a.Mizo kan ni e ti tlang thei vek ila.An tawng tlema a lo awn leh an pai avanga lo hmusit lo in,Mizo tawng hrang deuh an hmang a ni tih kan pawm sak a tul hle in ka hmu.Aizawl atang chuan a bul thut tak taka an harsat na zawng zawng hriat a lo har hle a.A hmun ngeiah kum hnih chhung ka va awm atang khan integration kan mamawh zia te,saw lama Mizo in ti ten Mara mi an hmusit ve ngawt thin te ka hmuh hian thil hi kan chhut thui lo thin teh e aw tiin ka ngaihtuah vawng vawng thin.Khawi lai thingtlang ve leh chhawng atanga lo pem lut,mi in hnuai luah (Mara ho in hnuai luah te pawh an awm),khang ho khan Mara ka hmusit e an ti khang lang thin chu nuih pawh a ti za lo ka ti thin.Vawikhat pawh mi pakhatin hna min dil a,Mara ho zingah kan awm a tiin a vui dum dum a.Ngawi teh,Mizo in ti ho hian kei hi min rel nasa lutuk,chuvangin duhsak tlakin awm phawt rawh u.Mara mi ho hian min sawi sep sep ka hre ngai lo,Mizo ka ni ti ho hian min hek nasa zawk bawk.

Kan ziah duah na chhan chu Mara hnam hi Mizo angin kan pawm tawk lo in ka hria a,in pawmna a awm loh chuan an ni pawh an in ti hrang lo thei lo tih thu hla ah kan ziak ve mai mai a ni e.Welcom to Maraland!

18 comments:

Sam said...

Khai a aw... Hotupa chu pic te pawh i neih tha thei thin ngawt mai... A very informative post...

faka said...

A ngaihnawmin a bengvarthlak e. Lawngtlaia kum nga zet ka awm ve chhung khan keipawh thil tam tak ka zir chhuak niin ka hria a. Kumkhuaa kan hmuh loh tur leh kan tawn loh tur thil ka hmuin ka tawng hnem hle bawk.

Mara leh Lai hnam te hi mi tamtakin ralkhata an hmuh he deuh ang ngawt hi chu niin ka hre lo. Amaherawhchu " Mizo kan ni lo" ti khawpa tamtak an kal filawr saw chu tha ka ti lo. Identity humhalh hi kan tihtur a ni reng a, mahse Mizo kan nih hona huang atanga pengdarh zawnga hmalak hi chu a fuh ber lo mang e, ka ti.

faka said...

A ngaihnawmin a bengvarthlak e. Lawngtlaia kum nga zet ka awm ve chhung khan keipawh thil tam tak ka zir chhuak niin ka hria a. Kumkhuaa kan hmuh loh tur leh kan tawn loh tur thil ka hmuin ka tawng hnem hle bawk.

Mara leh Lai hnam te hi mi tamtakin ralkhata an hmuh he deuh ang ngawt hi chu niin ka hre lo. Amaherawhchu " Mizo kan ni lo" ti khawpa tamtak an kal filawr saw chu tha ka ti lo. Identity humhalh hi kan tihtur a ni reng a, mahse Mizo kan nih hona huang atanga pengdarh zawnga hmalak hi chu a fuh ber lo mang e, ka ti.

vana said...

This is maraland- tih inziak kha chu ka hmu ve tawh a, a bulah thla kan la nghe nghe. Kei chu regionalism zawnga kal hi tha ka tih lo ber pawl a ni ve tlat mai. "Mizo" tih ah hian kan inlungrual chhung chu a hnam ang hian kan ding chhuak thei anga, mahse hnam te te anga hma kan la zel anih chuan hnam damna a ti buai ang

chhangte_ll said...

Kulkhut a min post tih ka hriat tirh khân ni hnih leh zan hnih ka mu miiah lo asin. Hreh tak hi ka ni ringawt :D

I ziak ngaihnawm hle mai. Mara ho hi Mizo hnahthlak ah chuan ka belhchian loh ber pawl anni tlat. Mahse kan Mâkpa hi Saiha/Siha khua ania, La kal ve tur ani. Nia, i sawi hi a dik alawm. Vaiho in Indian i ni em min tih sek hian a ninawm, ni reng mah ila ka nilo tih a awlsam. Mizo mipuiin an hmuhdan chuan a awm viau e -Keipawn ka ti ve tho ang mawle.

Hnamdang anmahni tawng ngeia biak theih hi a that avangin, Hnamdang tawng chu thiam a tha. Mara tawng chu hmarlam ho pawn thiam ve se a tha ang - A pawina a awmin ka hre lo.

chhangte_ll said...

Lai tawng nen hian Mara tawng hi a inzul deuh em - Lai tawng hi chu Kuki, Lusei, leh Hmar tawng inchawhpawlh a ang ka ti ber. Tlema zawng chu ka hrethei.

burgerstud2005 said...

Aizawlah ka haw rtei lutuk a...rei tak hnu ah hei kan post leh a ni e.

@sam:Thanks

@faka:Ni e,Lai leh Mara zingah hian Mizo ka ni lo ti bawl bawl chu an awm teh meuh mai.Mahse a hnam lian zawk leh advanced zawk nih chuan en dan leh treat dan thiam a ngai khawp in ka hrisa.

@vana:Mara ho hi an tawng a danglam deuh avang hian hmusit hi an awl viau niin ka hmu.Ka ziah ang khan hmuhsit kan ching thin a.Hei chu a dik lo.Mizo chu an ni ngei alawm.Mizo ka ni lo ti ho saw chu an tam lo ang.

@chhangte_II:Khulkhut chu nuam ve viau lom ni.Nge i hreh ngawt a..Tuipang nen chuan teh khin suh.Chhim leh hmar ang an ni.Culture hi chu vawn him tur a ni a,mahse a darh zawnga khawsak loh hi tu tan poh a tha.We are Mizo tih ah hian lungawi a tha.Maraland tih hi enge pawi..Nagaland pawh awm tho lawm under Indian Union.Dik em?.

Lai tawng chu hman lai Mizo tawng upa kha a ni ka ti mai.An tawng a un khop mai triah2 a.Tuichhak velah khi chuan an zo tawng hman khi high school kal laia idioms and prhases a mi kha niin ka hria!!!

illusionaire said...

Ka ngaihtuah ve mai mai a... "Maraland" tih dawn tak tak chuan "land" ai ah hian mara tawng ngei a "land" awmzia hi hmang zawk se, a ti chiang zawk deuh lo maw, te ka tia...

Engpawh nise, ni e, mi zawng zawng hi chu in tih pumkhat luih chu a har a ni, in tih luih tir chi pawh a nilo.

Chuan a tam zawk chuan "Mizo kan ni e" te an tih phawt chuan a lawmawm a lawm. Mi zawng zawng hi chuan mahni nihna ngei identity hi an chhuangpui ve vek a, hei "Mizo" ho ringawt ah pawh Ralte, Sailo, Colney, tih vel an hming a dah ve pawh kan tam hi. Ka pa chuan ka hnam tarlan a phal miahlo a sin... :-( chuvangin kan unau chuan tuman kan tribe/clan hming kan hming bulah kan dah lova, hmun dangah pawh kan tarlang lo. Heihi a ma ngaihdan a Mizo ho kan in pumkhat theih dan tur a tia...

Likewise I think we will all have our personal opinion on how to insuihkhawm with each other. Nge in ngaihdan ve, hotu te u.

amon said...

burgerstud2005 rilru ang hi chu nei vek i la chuan tha tur ania mahse a tam zawk hi chuan Mizo ni tur hi chuan Mizo trawng thiam deuh lo hi chuan Mizo angin an ngai ve thei bawk siloa.

Mara Phopi said...

Mara ho chu kan hming tawp ah "a" leh "i" a awm ve lo avangin, Mizo dik tak in ti ho hianin Mizo dik tak angin min hmuh thei lo tlat thin. Chuvangin second class Mizo ni ai chuan Mara ni mai hi kan tan chuan dignity a awm zawk.

Chuan, hmanlaia Lusei/Duhlian ni thin ho khan, Mizo hi an hijack tawh tlat a (Old Lusei/Duhlian was replaced by Mizo), chuvangin tuna Mizo tawng kan ti hmang lote tan chuan automatically-in non-Mizo an lo ni ta ani. "Mara tawng hi Mizo tawng chi khat ani ve" tih lam ni tawh lovin, "Mizo tawng" leh "Mara tawng" ti-in tawng hran veve an lo ni ta ani.

Tin Maraland tih hi hmanlai lawka Maraland lo ni mai ni lovin, kum sang dawn vel atang taw khan Mara ho awmna ram, Maraland a ni tawha, chung Mararam chu Mizoram a lo ni ngai lova, Mizoram State chhunga kan awm vena hi chu tun hnai lawka thil ani. Mizoram hian India chhungah a awm ang hian, Maraland pawh chu Mizoram State chhungah tunah chuan a awm ve ngei a, mahse, Maraland chu Lusei/Duhlian ram emaw, Lai ram emaw, Chakma ram emaw ni lovin, Mararam (Maraland) ani e, tihna ani. Heihi chu kan pawm tlang tur ani maiin ka hria.

Hei, ka Mizo tawng ziak hi a paih nasa a, chuvangin thenkhatin Mizo dik tak anga min pawm thei lo pawhin ka hre thiam tho ang; ka rilru pawh a na lovang. Mara leh Mizo hi ani kawp thei chuan, Mara ho hian Mizo ni ve hi har kan ti dawn lova, kan Mara nihna paiha Luseinized Mizo nih erawh chu kan phal lo thung ang.

Thanks, burgestud2005. Thanks so much for all the good works you have done for Maraland and the Mara people. Mara people love you.

Pezo said...

Palak dil Pic hi save hmnak teh ang.. Moi khawp mai.
I chanchin ziak a bengvarthlak e. Thanx

EPISTEMOLOGY said...

O.k identity hi chu buaithlak a ni. Mara nih chuan, ni mai se, thlem thlem hi a ngai lovin ka hria..Mizo nih duh kha mizo leh mai ila...khawvel kalchho zelah hian dingchhuak tur zawk chu kan awm maiin ka hria..

solomon_n said...

In sawi thiam hlawm khawp mai... Nia, a thil dik tam tak in sawi hlom a... Maraland tih inziak ringawt pawh khi sawi tham chu a tling ngei ang le! Mahse, Mara-ram.. tih leh.. Mara-rah, tih leh Maraland tih chu thu hmun vek ani. Lian deuh tek tawkin "He he MARA-RAH" tih lo in ziak ta se. A sawi pawl chu kan bang leh chuang lovang. A eng a pawh chu nise, thlir tu te ngaihdan ah dahthiam a tha ni in ka hria.
Tin, Mara-Mizo tih hi sawi a tam thin khawp a. A Dik khawpin ka hria. Marafa ho zing ah ngei ngei te pawh khian "Mizo ka ni lo" ti an awm pheuh pheuh a. Mahse, chutiang sawi ching chu belh chian hi an dawl lo deuh tlangpui. Ngaihkhat a ngaihsak a thaw hah dam thlak ber.
Hotupa berin a rawn sawi rik zawk! Mara tawng hman avang a .. Aizawl tlang vel a en dan a dang zeuh thin erawh a tha lo hle! Hei hi chu kan sim a tul khawpin ka hria. Mizotawng ti ropuitu ani tih hriat a tha zawk. Sa-mak en a kan en sak chuan.... kan en hrang tih na ani. Mizo tawng ah pawm ila, Mizotawng peng khat ... Mizotawng ti hausatu ani tih ngam angai.

Nopavatuhpa said...

Blogger EPISTEMOLOGY said.."khawvel kalchho zelah hian dingchhuak tur zawk chu kan awm maiin ka hria.."

Puitling deuh a ziah a chi viua ang. Internet ah hian duh2 a ziah theih avang hian mi tamtak hian ngaihtuah thui vak loh hian kan ziak mai thin a.

A hmasa ber in Mizo tih hi kan hriat theuh angin hmanni lawk a chherchhuah tawngkam a ni a, a piang mek turah kei chuan ka ngai.

Chuvangin Mizo kan ni hmasak avangin Mizo ka ni lova, Lusei, Ralte, Fanai, etc kha Mizo aiin a awm hmasa dei tih hriat a tha. Lusei, Ralte, Fanai, etc ni lo ta se Mizo nih a har ang.

Chutiang bawkin Mara ho hi Mizo an nih hmasa lova, an in tih bawk lo. Mizo tih tawngkam 'word' lo chhuahna chu sawih tawh angin Lusei, Ralte, etc leh Mara aiin a naupang zawk a, Mara kan ni hmasa ah, Mara kan nih avangin Mizo in tih theina chance hi Chakma te ai chuan kan hnaih zawk dei a ni a chhan chu eng nge mawh in zawmna kan neih avangin... hriat theuh angin Kuki-Chin-Mizo te hi in hnaih tak2 kan nih kan tih tawh thin kha.

Epis-a sawih zulzui in lo sawi ta i la, kum 1910 velah Mara population chu 3,000 chuang hret a ni a, tunah kum 2009 ah meuh chuan Burma a Mara ho nen chuan 80,000 kan pelh hret tawh, kan ral bik lo chu a ni hi, MADC te pawh kan neih phah zawk. Bakah, Fanai leh Ralte te angin kan darh ve lova, boundary mumal tak neih kan nih a, dikchia chuan keini leh Lai ho hi chuan zawlbuk a riak khawm ngai lovin kan ram hi kan lo humhalh reng zawk thin a sin!

Hetiang zawnga rilru pu zawng a lehkhathiam tamtak kan awm ta hi a pawi thui ang em aw te ka tih mai2 thin.

In tihluih leh tihluih lo lam pawh a ni lo. A ni nise, a nilo ni loh rawh se tih tawngkam te hi ngaituah chian lo chuan a hahthlak a sin. Mizo tih hi chiang takah define a, Mizo tawng kan tih te hi tawng dang ral mai loh tur te kan huam tel silo chuan Mizo chuan a huam zolo zawk a ni. Mara leh a tenau tam zawk ten an tel duhlo pawh nih lovin an leng loh zawk a ni. Kan hriat reng tur chu tunah Mizoram ah Kuki-Chin-Mizo awm mek keini so-called Mizo, Hmar, Lai leh Mara te hi kan chipuite lakah chuan tlem te kan nih a, hnam lian in tawm tur hming kan zawng mek chu a ni a, Mizo tih pawh hi a huapzo vek loh chuan candidate thaber tling tawk lo ang vel chau a ni theih tih hriat a tha... sawi zawm zel chi...

Lianpui said...

Keipawh Home Ministry hnuaia ka thawhlaiin, 'posted at Saiha' tih lehkha mawi ka hmuh zan hi chuan ka mu tlem khawp mai. Chuan, Saiha atangin Parva ah min han sawn leh phei chu(h), "Ka bang!" tih mai hi ka duh rum2 hman ani.
Vawikhat chu Saiha a ka awm laiin, Siasi khua ah ka zin a, Pu Laima Chozah IAS pianna khua hi alo ni a,ani pawhin an khua hi alo tlawh ve mek bawk a, Sial an talh a, kan hlim tlang khawp mai!
Mizo leh 'zolo, Mara leh 'ralo tih lamah hi chuan, rilru lam thlak danglam hmasa lo chuan a sawia sawia fel thei thil anih lemloh avangin, ngawih hi ka chuh ta!
I blog tlawh man a awm hle mai!

Anonymous said...

Yoh l ivg b porn, porn. Uby m, pdg hcgzck|iza xahtmxp v oc vv.

Anonymous said...

a chunga soi te soi a ngaihnawm hlawm khop mai. keipoh mara ram chu tlem azawng Tongkolong leh Lungbun tih vel te ka tloh ve tawh a,an fel hlawm khop mai. Mizo -Mara tih velah hi chuan a enga poh chu nise ram khat sorkar khat hnuaia cheng kan ni a lungrual takin kan ram kan hnam dinchhuah nan bei tlang ila a tha mai lom ni ka ti mai..in helh iner kual vel poh a tul ber lem lo vang

Msm beiho said...

A great post i would say, you even mention what is always in my mind, hmarlam kan mizo pui te hian min treat mizo tok loh avang hian, mara ka ni tih hi kan duh zok thin reng ani. I like your pictures post too, my very good friend n ma dear cousin sis from Tuipang v